हराएको लोकमान नियुक्तिको फाइल सर्वोच्च पुग्यो

काठमाडौँ, ७ असोज – सर्वोच्च अदालतले माग गर्दा सरकारले भूकम्पका बेला हराएको भनेको अख्तियार प्रमुख आयुक्त लोकमान सिंह कार्की नियुक्तिको फाइल भेटिएको छ। फाइल भेटिएको भन्दै प्रधानमन्त्री तथा मन्त्रिपरिषद्को कार्यलयले सर्वोच्चमा शुक्रबार फाइल पठाएको छ।
सर्वोच्चका प्रवक्ता नहकुल सुवेदीले भने, ‘ अख्तियार प्रमुख आयुक्तको नियुक्ति फाइल सर्वोच्चमा आजै आइपुगेको छ। अदालतले मागे बमोजिमको कागज आइपुगेको छ।’
नियुक्ति प्रक्रियामा प्रश्न उठाउँदै परेको रिटमा सर्वोच्चले कार्कीलाई नियुक्त गर्दाको सक्कली फाइल मगाएको थियो। सुरुमा फाइल माग्दा सरकारले भूकम्पका बेला हराएको भन्ने जवाफ दिएको थियो। त्यसपछि सर्वोच्चले सक्कली फाइल नदिए कारबाही गर्ने चेतावनीयुक्त आदेश दिएको थियो। नियुक्तिको फाइल आएपछि अब यसमा सर्वोच्चमा सुनुवाइ हुने भएको छ।
सर्वोच्चले लोकमानसिंह कार्की अख्तियार प्रमुखको निुयक्ति सदर गर्ने पूर्व फैसलामा निस्सा हुने भनेकाले अरु मुद्दा सरह प्रक्रिया अघि बढ्नेछ ।