पार्टी एकतालाई कसैले रोक्न सक्दैन – सांसद पौडेल

बागलुङ, २९ मंसिर – बागलुङ जिल्लाका सवै सिटमा चुनाव जितेका बामपन्थी दलले शुक्रवार जिल्लाको सुदुरपश्चिम बर्तिबाङ बजारमा भव्य ¥याली सहित बिशाल बिजयसभा समपन्न गरेका छन । सो विजयसभालाई सम्बोधन गर्दै बाग्लुङ जिल्ला क्षेत्र नं २ का प्रतिनिधीसभाका नबनिर्बाचित सांसद देवेन्द्र पौडेलले सबिधानमा लेखेको समाजबाद उन्मुख बिकासका लागि बिपक्ष दलसंग पनि सहकार्य गरेर अगाडी बढ्ने बताए । उनले बामपन्थीहरुको धुर्विकरण कसैका बिरुद्ध नभएको बताउदै स्थायी सरकारबाट बिकास, समृद्धि र सुशासन आमजनताको घरदैलोमा पु¥याउन भएको वताए ।
बामपन्थी शक्क्तीहरुको एकता देखेर बिपक्षी पार्टीहरुले गरेको टिकाटिप्पणीले माओवादी र एमालेको पाटी एकतालाई कुनै असर नगर्ने वताउदै यो एकता जनताको चाहनाको भएकाले जनअनुमोदित भइसकेकाले संसारको कुनै पनि शक्क्तीले रोक्न नसक्ने वताए ।
जनताको अमुल्य मतले आफु बिजयी भएको भन्दै यस ठाउँको बिकासका लागि हरबखत जनता माझ रहि जनताकै परिमर्का बुझी बाकी रहेको जीवन जनतामाझ नै व्यतित गर्ने प्रतिबद्धता पौडेलको थियो ।
कार्यक्रममा प्रदेश क का प्रदेश सांसद चन्द्र बहादुर बुढा सागरले यस ठाउँको आवश्यकता अनुसार जनता माझमा रहि बिकासको अनुभुति हुने गरि काम गर्ने बताए । बिगतका कमिकमजोरीहरुलाई सच्याई अबका दिनमा बागलुङ जिल्लालाई हराभरा बनाउने जिम्मा आफुहरुको रहेको बताउदै बुढाले यो एकता दिर्घकालसम्म रहिरहने भएकाले भावनात्मक र बैचारिक हिसाबले जनताको नजिक भएर बिकासको काममा हातेमालो गर्ने बताए ।
कार्यक्रममा प्रदेश ख का सांसद टेक बहादुर घर्तिले अहिलेका गाउँपालिका र नगरपालिका ५ बर्ष सम्म सुबिधायुक्त बनाउने आफनो पहिलो प्राथमिकतामा रहेको बताए । उनले ५ बर्षसम्म पुरानै स्थिति भयो भने बामपन्थीहरुलाई जनताले अस्विकार गर्ने वताए । कार्यक्रममा ढोरपाटन नगरपालिकका प्रमुख देबकुमार नेपालीले दुखी गरिब जनताको आशुहरु पुछने काम नबनिबार्चित प्रतिनिधीहरुले गर्नुपर्ने बताए ।
कार्यक्रममा नेकपा माओवादी केन्द्रका केन्द्रिय सदस्य तुल्सीराम अर्याल, बाग्लुङ जिल्ला क्षेत्र नं २ निबार्चन परिचालन कमिटीका सयोजक धर्म कुँवर, क्रान्तिकारी महिला संघ बाग्लुङ जिल्ला अध्यक्ष कुशुम बुढा लगायतले शुभकामना मन्तव्य राखेका थिए ।