बागलुङ, २९ मंसिर– प्रदेश नम्बर ४ को प्रत्यक्ष र समानुपातिक तर्फको मतपरिणमलाई हेर्दा नेकपा एमाले पहिलो पार्टि बनेको छ । शुक्रबार सार्वजनिक भएको समानुपातिक तर्फको मतपरिणमले एमाले पहिलो पार्टि भएको हो । १५ लाख ६८ हजार ९ सय १७ कुल मतदाता रहेको यो प्रदेशमा सरदर ७० प्रतिशत अर्थात १० लाख ९८ हजार २ सयको हाराहारिमा मत खसेको थियो ।
जसमा एमाले र कांग्रेसको ४० प्रतिशतको हाराहारीमा बराबरी मतपरिणाम आएको छ भने माओवादीको १३, नयाँशक्ति २ र जनमोर्चा करिब डेढ प्रतिशतभन्दा माथि र बाँकी अन्यको छ । यो आँकडालाई हेर्दा प्रत्यक्ष तर्फ १७ सिट जितेको एमालेले समानुपातिकको मतपरिणमलाई हेर्दा १० सिट जित्ने पक्का भएपछि एमाले प्रदेशको पहिलो पार्टि बनेको हो । प्रदेश ४ को समानुपातिकमा नयाँ शक्ति र राष्ट्रिय जनमोर्चाले एकएक सिट पाउने भएका छन् ।ल निर्वाचन आयोगका अनुसार प्रदेश चारका सबै जिल्लाको समानुपातिक तर्फको मतगणना सकिएको छ ।
एमालेले ३ लाख ७३ हजार ५०१ मत पाएको छ भने कांग्रेसले ३ लाख ६४हजार ७ सय ९७ र माओवादीले १ लाख १९ हजार ५२८ मत पाएको छ । नयाँ शक्ति पार्टीले २४ हजार ६२५ र जनमोर्चाले १९ हजार २७६ मत पाएको छ । प्रदेशसभातर्फ १.५ प्रतिशतको थ्रेसहोल्ड छ । कुल सदर मतको १.५ प्रतिशत नकटाउने दलले समानुपातिकमा सिट पाउँदैनन् । यसरी हेर्दा प्रदेश ४ को समानुपातिकतर्फ एमालेले सबैभन्दा धेरै १० सिट पाउने छ । कांग्रेसले ९, माओवादीले ३ सिट पाउने छ भने नयाँ शक्ति र जनमोर्चाले एकएक सिट पाउनेछन् ।
चिर्वाचन आयोगले आधिकारीक घोषणा गर्न भने बाँकि छ ।
