गठबन्धनका उम्मेदवार सँग मतदाताका दश माग

बागलुङ, २७ कार्तिक –नेकपा माओवादी केन्द्रका स्थायी समिति सदस्य तथा क्षेत्र नं २ का प्रतिनिधि सभाका साझा वामपन्थी उम्मेदवार देवेन्द्र पौडेल समक्ष रणसिहकिटेनीका जनताले १० बुदे बिकाशे योजना प्रस्तुत गरेकास छन । बडिगाड गाउपालिका वडा न ८ रणसिहकिटेनीमा चुनावी सभालाई सम्बोधन गर्न पुगका साझा बाम उमेदवार पौडेललाई खानेपानी अभाव, स्वास्थ्य, शिक्षा, संचार ,यातायात, पर्यटन, आकाशे पुलको निर्माण, जडिबुटी संरक्षण बजारिकरण ,परम्परागत संस्कृति संरक्षण तथा तामाखानी, फलामखानी, सिसाखानीको उत्खनन गर्नुपर्ने भन्दै जनताले बिकासे योजना प्रस्तुत गरेका हुन ।
मतदाताले भने ‘देबेन्द्र पौडेललाई हाल्छौं जिताउछौ तर जितेपछि यस ठाउको बिकाश र समृद्धिका लागी जिम्मा उहाँको हुनुपछ’ यस अघि जितेर गएका नेता यस ठाउँको बिकासका लागि कहिल्यै नफर्केको उनिहरुको गुनासो थियो । कार्यक्रमा मतदाताको भनाइलाई जवाफ दिदै पौडेले भने बिकाशका पुर्वघार शिक्षा, स्वास्थ्य तथा रोजगार खेलकुद, पर्यटन, बिधुत, सुशासन तथा पारदर्शीताका लागी आफु सधै जनता माझ रहि जनताकै चाहाना अनुरुप काम गरि जनताकै सेवामा तल्लिन हुने प्रतिबद्धता ब्यक्त गरे । उनले भने राष्ट्रिय गौरवका योजना मध्यपहाडी लोकमार्ग, सालझन्डी–सन्धिखर्क–ढोरपाटन सडक र कालीगण्डकी करिडोर स्तरोन्नति गर्दै भित्री बस्ती पुग्ने शाखा सडक निर्माण र सुधारलाई आफुले पहिलो प्राथमिकतामा राखेको बताए ।
कार्यक्रममा क्षेत्र नं २ को १ का साझा बाम उमेदवार चन्द्र बहादुर बुढा सागरले भने राष्ट्रिय स्तरमै बाम गठबन्धन हुदै पार्टि एकता मा जाने कुराले बिपक्षी लाई निद्रा हराम भएको बताउदै अब बामपंथीको जितलाई कसैले छेक्न नसक्ने बताए ।
यता तथा क्षेत्र नं १ का प्रतिनिधि सभाका लागी साझा वामपन्थी उम्मेदवार सुर्य पाठक सहितको टोलिले आईतवार जिल्लाको भकुण्डेमा घर दैलो तथा चुनावि सभा सम्पन्न गरेको छ ।
कार्यक्रममा बोल्दै उम्मेदवार पाठकले भकुण्डे पर्यटनका हिसावले संभावना बोकेको क्षेत्र भएकाले भकुण्डेको पर्यटन बिकासमा आफ्नो ध्यान केन्द्रित गर्ने बताए । क्षेत्र नं १ को १ का उम्मेदवार ईनद्रलाल सापकोटाले सदरमुकाम सँग जोडिएको क्षेत्र भएर पनि भकुण्डेको बिकास हुन नसकेको चिन्ता व्यक्त गर्दै आगामि दिनमा भकुण्डेको बिकासलाइ केन्द्रमा राखेर जिल्लाको पर्यटन बिकासमा लाग्ने धारणा राखे । कार्यक्रममा नेकपा एमाले, माओवादी केन्द्र र राष्ट्रिय जनमोर्चाका जिल्ला स्तरीय नेताहरुले आ–आफ्नो धारणा राखेका थिए । मतदाताको बाक्लो उपस्थिति रहेको कार्यक्रममा नेताहरुले बागलुङ बिकासको लागि बाम शक्तिको जित आवस्यक भएको बताएका थिए ।