अमलाचौरमा कांग्रेसको घरदैलो

बागलुङ, २७ कार्तिक– नेपाली कांग्रेसले चुनावी प्रचार अभियान अन्र्तगत आइतवार अमलाचौरमा चुनावी सभा र घरदैलो कार्यक्रम गरेको छ । कुश्मीसेराबाट शुरु भएको घरदैलो कार्यक्रम अमलाचौरमा आएर सभामा परिणत भएको हो । कार्यक्रममा सहकारी विकास तथा गरिवीनिवारण राज्य मन्त्री चम्पादेवी खड्काले देशको विकास र समृद्धिका लागि कांग्रेसको विकल्प नभएको भन्दै उनले आगामी निर्वाचनमा कांग्रेसलाई बहुमत दिएर जिताउनु आवस्यक भएको बताईन् । उनले सडक, खानेपानी लगायतका विकास निर्माणमा पनि आँफूले अगुवाई गर्न चाहेको धारणा राखिन् । कार्यक्रममा क्षेत्र नं. १ ख का उमेदवार प्रकाश शर्मा पौडेल, कांग्रेस सचिव नवराज पौडेल, जैमिनी नगरपालिकाका मेयर इन्द्रराज पौडेल, चुनाव प्रचार समिती क्षेत्र नं १ (२) का संयोजक हरि आचार्य, महासमिति सदस्यहरु किरण पौडेल, भिम श्रीस, कल्पना हमाल पाठक, नेविसंघका केन्द्रिय उपाध्यक्ष डिल्लीराम सुवेदी,नेविसंघ सहमहामन्त्री हरिहर शर्मा, महाधिवेशन प्रतिनिधी गणेश सापकोटा, तरुण दलका क्षेत्रीय सभापति दलबहादुर श्रीस लगायतले रुख चिह्नमा मतदान गरी नेपाली काग्रेसको उम्मेद्वारहरुलाई विजयी गराउनुपर्ने बताएका थिए । नेपाली काग्रेस बानपा—१२ का सभापति कोपिलामणी शर्माको अध्यक्षता, उपाध्यक्ष देवेन्द्र पौडेल स्वागत र क्षेत्रीय सहसचिव गोपाल शर्मा पौडेलको संचालनमा कार्यक्रम सम्पन्न भएको थियो । यसैबीच क्षेत्र नं. २ क अन्र्तगत रनसिँहकिटेनीमा पनि घरदैलो कार्यक्रम सम्पन्न भएको छ ।  साविकको रनसिँह किटनेी नेपाली काँग्रेस सभापती जितबहादुर घर्तिको अध्यक्षतामा भएको कार्यक्रममा प्रतिनीधि सभा उमेद्वार नरबहादुर पुन निरजले भौगोलीक बिकट्टाले गर्दा बिकास निर्माणका क्षेत्रमा पछि परेको क्षेत्र रहेको बताउँदै तयस क्षेबम कृर्षि, प्रर्यटन, शिक्षा र यातायात क्षेत्रको बिकासमा आफुले निर्वाचनमा जित हासिल गरेसँगै महत्वपुर्ण प्राथमिकता दिएर अगाडि बद्ने बताए । कार्यक्रममा प्रदेश सभा (क) उमेदवार मञ्जेशवम मल्लले आफुलाई जनताले साथ दिएमा पहिलो पटक ग्रामिण र बिकट क्षेत्रबाट बिकास निर्माण अभियानको थालनी गरेर समृद क्षेत्र निर्माणमा अगाडि बद्ने बताए । लामो समय रोकिएको बिकासको गतिले कांग्रेसको जित पछि पुर्णता पाउने उनको भनाइ थियो । कांग्रेसले जिल्लाका अन्य ठाउँहरुमा समेत घरदैलो अभियान तिब्र बनाएको जनाएको छ ।