पत्रकारिता तथा बजार व्यवस्थापन तालिम शुरु

बागलुङ, २ असोज – जिल्लाको पश्चिम क्षेत्र बुर्तिबाङ बजारमा स्थापना भएको सामुदायिक रेडियो परिवर्तनले शनिबारबाट आधारभुत पत्रकारीता तथा बजार व्यबस्थापन समबन्धी ३ दिने तालिमको सुरुवात गरेको छ ।|
रेडियोका अन्तरिक वार्षिक कार्यायोजना अनुसार ग्रामीण क्षेत्रबाट संप्रेशण गर्ने जनशक्ति निर्माण तथा रेडियो कार्यक्रम उत्पादनका लागि आवश्यक प्रस्तोता निर्माण र वजार व्यवस्थापनका लागि तालिमको आयोजना गरिएको हो । रेडियोले आयोजना गरेको तालिममा पश्चिम बागलुङका विभिन्न गाउँ विकास समितिबाट प्रतिनिधित्व भएको छ ।
तालिममा विषेशगरि गाउँ विकास समितिमा रहेका सामाजिक परिचालकहरुको उपस्थित उल्लेख्य छ । पत्रकारिता तथा बजार व्यवस्थापन सम्बन्धि दिईने तालिमबाट आगामी दिनमा पत्रकारिता क्षेत्रबाट आफनो व्यक्तिगत भविष्य निर्माणदेखि रेडियोले स्थाई प्रतिनिधिको जिम्ममेवारी दिने रेडियोका अध्यक्ष लोकेकन्द्र सुनारले बताए । जिल्लामै सक्रिय र क्रियाशील भुमिकामा स्थापित सामुदायिक रेडियोले आफ्नो कार्यक्षेत्रमा स्थाई प्रतिनिधि बनाई सामुदायिक गतिविधिलाई थप सत्रिय बनाउन यसखालको तालिमको आयोजना गरिएको रेडियोका स्टेशन म्यानेजर राम सुवेदीले बताए ।
शनिबार भएको उदघाटन कार्यक्रम रेडियोका अध्यक्ष लोकेन्द्र सुनारको अध्यक्षता, उपाध्यक्ष निमलाल पाण्डेको शुभकामना मन्तव्य , स्टेशन म्यानेजर राम सुवेदीको स्वागत मन्तव्य तथा लेखापाल विमल खडकाको सञ्चालनमा सम्पन्न भएको छ । तालिम आगामी आश्विन ३ गतेसम्म चल्ने आयोजकले जनाएका छन् ।