चुनावी अभियान

बागलुङ, २० कार्तिक-वाम गठबन्धनको संयुक्त चुनावी अभियान बागलुङको निर्वाचन क्षेत्र नम्बर–२ को प्रदेश सभा–१ अन्तरगत मनेवामा भएको छ । गलकोट नगरपालिका वडा नम्बर–११ मा भएको उक्त कार्यक्रममा नेकपा माओवादी केन्द्रका पोलिटव्युरो सदस्य तथा बाम गठबन्धनबाट प्रदेश सभाका साझा उम्मेदवार चन्द्रबहादुर बुढा सागरले आफु जनताको माझमा पहिले पनि भावना साटासाट गरेकाले यस ठाउँमा के–कस्तो विकासको आवश्यक छ भन्ने आफुलाई थाहा भएकाले योजनाबद्व रुपले विकास गर्ने बताए । अहिलेसम्म नेपाली जनताले बलिदान गरेपनि जनताको माझमा अझै खुशी छाउन नसकेकाले यसपटक बन्ने बाम गठबन्धनको सरकारले जनताको मुहारमा खुशी ल्याउने बिश्वास व्यक्त गरे । थप बोल्दै भने– ‘धार्मिक, साँस्कृतिक र पर्यटकीय क्षेत्रको विकाश गरि यसको संरक्षण गर्नुपर्ने आवश्यकता छ । गाउँ घरका बास्तविक समस्या समाधानका लागि तपाईसँगै हाते मालो गरेर अघि बढ्छु ।’ उनले जनताको हक हितकै पक्षमा काम गरेर यस ठाउँलाई नमुना बनाउने बताए । उनले भने आफ्नो क्षेत्रमा वाम गठबन्धनको पकड बलियो रहेको भन्दै जित सुनिश्चित रहेको बताए । माओवादी केन्द्र केन्द्रीय आयोजक समितिका सदस्य गंगा भुजेलले राष्ट्रिय एकता स्थाईत्व सरकारलागी गठबन्धनले काम गर्ने बताए । नेकपा एमाले संघिय मामिला तथा स्थानीय विकास बिभागका केन्द्रीय सदस्य सुनिल शेरचनले प्रतिक्रियाबादीले बाम गठबन्धनले अतिबाद ल्याउछ भने भ्रामक कुरा प्रचार गरेको भन्दै बामपंथी गठबन्धनले ३ करोड जनताको सुख समृद्धिको लागि काम गर्ने बताए । कार्यक्रम राजमोका जिल्ला उपाध्यक्ष बेदिलाल सापकोटाले राष्ट्रियताको मुद्दा देशको अस्थित्व जोगाउन बामपंथीले शक्तिले गरेको बताए । सोहि कार्यक्रम वडा न ११ का वडा अध्यक्ष डम्बर श्रीष नेकपा एमाले जिल्ला सचिवालय सदस्य यमुना काउचा लगाएतले कार्यक्रममा बोलेका थिए । सो अवसरमा नर बहादुर घर्तीको संयोजकमा १ सय ५१ सदस्य निर्वाचन निर्वाचन परिचालन समिति गठन गरिएको छ । कार्यक्रम नेकपा माओवादी गलकोट नगरपालिका वडा ११ का अध्यक्ष नर बहादुर घर्तिको अध्यक्षता राजमोका कुल बहादुर थापाको स्वागत नेकपा एमालेका डोलेन्द्र राना कुमालको संचालन समपन्न भएको थियो ।