शान्ति उच्च माविमा शिक्षक अभिभावक संघ गठन

बागलुङ, ८ कार्तिक–शान्ति उच्च माध्यामिक बिद्यालयका शिक्षक अभिभावकको एक भेलाले चित्रप्रसाद चापागाईंको संयोजकत्वमा शिक्षक अभिभावक संघ गठन गरेको छ । भेलाले शिक्षक र अभिभावकहरुको समान सहभागीता हुने गरी ११ सदस्य रहेको संघ गठन गरेको हो । संघका सदस्यहरुमा भानुभक्त आचार्य, नेत्रप्रसाद शर्मा, टिकादेवी शर्मा, रुमा थापा र गंगाधर शर्मा रहेका छन् । त्यस्तै शिक्षक प्रतिनिधिहरुमा यदुनाथ शर्मा र हरिप्रसाद खनाललाई चयन गरीएको बिद्यालय व्यवस्थापन समितीका सदस्य रुद्र आचार्यले बताए । बिद्यालयका प्रधानध्यापक पदेन सदस्य सचिव रहने व्यवस्था रहेको र एक सदस्यपछि पद पुर्ति गर्ने गरी निर्णय गरिएको आचार्यले बताए । सबै राजनीतिक दलको प्रतिनिधित्व हुने गरी भेलाले सर्बसम्मत रुपमा शिक्षक अभिभावक संघ गठन गरेको थियो । भेलामा बोल्दै अधिकांश अभिभावकहरुले सामुदायिक बिद्यालयहरुको पठनपाठन पद्धतिमा सुधार ल्याउनु पर्नेमा जोड दिएका थिए । बिद्यालयले शिक्षक अभिभावकहरुको भेलामार्फत आगामि आर्थिक बर्षको लागि लेखा परिक्षण समिती समेत गठन गरेको सदस्य आचार्यले बताए । समितीको संयोजकमा चित्रप्रसाद चापागाईलाई चयन गरिएको छ । सदस्यहरुमा रुमा थापा, बालाकृष्ण शर्मा, झपेन्द्रबहादुर क्षेत्री, इश्वरीप्रसाद शर्मा, भानुभक्त आचार्य र एकजना उत्कृष्ट अंक ल्याउने बिद्याथीलाई सदस्य रहने व्यवस्था रहेको बिद्यालयले जनाएका छ । भेला बिद्यालयका प्रधानध्यापक यमबहादुर जिसीको सञ्चालनमा सम्पन्न भएको थियो ।