कसले मार्ला बाजी ?

बागलुङ, २८ भदौ – फ्युचर ब्राईटर उच्च मावि र अमर आदर्श उच्च मावि बागलुङ अमर आदर्श ट्रफी–२०७३ अन्तर उच्च मावि स्तरीय फुटबल प्रतियोगीताको फाईनलमा प्रवेश गरेका छन् ।
सोमबार सम्पन्न सेमिफाईनलका खेलमा फ्युचर ब्राईटररले डिग्नीटी उच्च माविलाई ०–३ गोल अन्तरले पराजित गर्दै फाईनल यात्रा तय गरेको हो । पहिलो हाल्फ गोलरहित भएको खेलको दोस्रो हाल्फमा फ्युचर डिग्नीटीमाथि हाबी बन्यो ।
अधिकांस समय आफुनो पक्षमा बल राखेको फ्युचरको जितको लागि कप्तान आषिश केसीले २ र सुमन छन्त्यालले १ गोल गरेका थिए । यस्तै सोमबार नै भएको दोस्रो सेमिफाइनलमा आयोजक अमर आदर्श उच्च माविले भीमसेन उच्च माविलाई पराजित गर्दै फाइनलमा प्रवेश गरेको छ ।
खेलको निर्धारित समयमा कुनै गोल हुन नसकेपछि थप गरिएको अतिरित्त समयको ७ मिनेटमा गोल गर्दै स्यामुल बोहराले अमर आदर्शलाई अग्रता दिलाएका थिए । दोस्रो हाल्फको थप सात मिनेटमा भीमसेनका खेलाडीले फल गरेपछि पेनाल्टीमार्फत आदर्शका अशोक खत्रीले गोल गर्दै फाइनलको यात्रा पक्का गरेका थिए ।
आज (मंगलबार) हुने फ्युचर ब्राईटर उच्च मावि र अमर आदर्श आवासिय उच्च मावि (ए) बीचको फाईनल खेल दिउँसो दुई बजे बाङ्गेचौर खेल मैदानमा हुने अमर आदर्श आवासिय उमाविका भाइस प्रिन्सिपल कमल पन्तले जानकारी दिए ।
प्रतियोगिताको विजेता टिमलाई १२ हजार नगद, ट्रफी, मेडल र प्रमाणपत्र र उपविजेतालाई ६ हजार नगदसहित ट्रफी, मेडल र प्रमाण पत्रले पुरस्कृत गरिने भएको छ । यस्तै उक्त प्रतियोगितामा उत्कृष्ट खेलाडी, उत्कृष्ट डिफेन्डर, उच्च गोलकर्ता, उत्कृष्ट मिडफिल्डर र उत्कृष्ट किपरलाई विशेष पुरस्कार प्रदान गरिने भाइस प्रिन्सिपल पन्तले बताए ।