प्रगतिमा पौडेल, बागलुङमा राजभण्डारी

बागलुङ, २६ भदौ-जिल्लाका आधादर्जन सहकारी संस्थाहरुको वार्षिक साधारणसभा शनिवार समपन्न भएका छन् । प्रगति वहुउदेश्यीय सहकारी संस्थाको १०औं बार्षिक साधारणसभाबाट कृष्णप्रसाद पौडेल (कुमार पौडेल) अध्यक्षमा सर्वसम्मत रुपमा चयन भएका छन् । नयाँ कार्यसमितिको उपाध्यक्षमा तोयानाथ गौतम, सचिवमा उदयचन्द्र चचाई, सहसचिव बालकृष्ण शर्मा र कोषाध्यक्षमा भीमप्रसाद गौतम चयन भएका छन् । सदस्यमा बिजयराज पन्त, दीपक गौतम, भैरवनाथ शर्मा, रेखा शर्मा, शर्मिला क्षेत्री र तेजराज गौतम निर्वाचित भएका छन् । लेखा समितिको संयोजकमा कृष्णप्रसाद आचार्य र सदस्यमा डिल्लीराज उपाध्याय र मञ्जु शर्मा चयन भएका छन् ।
प्रगती सहकारी संस्थाको दशौं वार्षिक साधारणसभाको उद्घाटन गर्दै सभासद नरबहदुर थापाले सहकारीहरु गरिवको आयस्तर सुधार गर्ने र व्यवसायिक वन्ने काममा अगाडि बढ्नुपर्ने बताए । उनले प्रत्येक सदस्यलाइ आय आर्जनका काममा लगाउन सकेमा देशले सहकारीकै माध्यमबाट आर्थिक फड्को मार्न सक्ने धारणा राखेका थिए ।
सहकारीका अध्यक्ष महादेव सापकोटाको अध्यक्षता, सचिव तोया गौतमको संचालन र उपाध्यक्ष कृष्णप्रसाद पौडेलको स्वागतमा सम्पन्न कार्यक्रममा जिल्ला सहकारी संघका अध्यक्ष दिपक गौतम, संस्थाका सल्लाहकार टिकाराम सापकोटा, पत्रकार महासंघका केन्द्रिय सदस्य हरिनारायण गौतम, निर्वाचन संयोजक डिल्लीराज गौतम, पत्रकार महासंघ बागलुङका पूर्व अध्यक्ष राजेशचन्द्र राजभण्डारी लगायतले शुभकामना व्यक्त गरेका थिए ।
उक्त अवसरमा शेयर सदस्यका छोराछोरीको तर्फबाट उमावि तर्फ उत्कृष्ठ अंक ल्याउने छात्राछात्रालाइ सम्मान तथा पुरस्कार प्रदान गरिएको थियो । यो बर्ष उमावि तर्फ सुदिप अधिकारी, अभिषेक सापकोटा, संझना सापकोटा र राधा आचार्यलाई उत्कृष्ठ विद्यार्थीको रुपमा पुरस्कार र सम्मान गरिएको हो । कर्मचारी तर्फ उत्कृष्ठ काम गरेको भन्दै रिता पुनलाइ पनि सम्मान गरिएको थियो । संस्थाका सञ्चालक प्रवन्धक पृथ्वीराज गौतमलाई पनि योगदानको कदर गर्दै सम्मान गरिएको थियो । उत्कृष्ठ कारोवारी, वचतकर्ता लाईइ पनि सम्मान गरिएको थियो । सहकारीले एक बर्षमा १ अर्व २ करोड ८ लाख १५ हजार ५ सय ७६ रुपैयाँको कारोवार गरेको कोषाध्यक्ष बालकृष्ण शर्माले वताए ।
यसैगरी, बागलुङ वहुउदेश्यीय सहकारी संस्थाको शनिवार समपन्न १५औं बार्षिक साधारणसभाबाट अध्यक्षमा अशोकगोविन्द राजभण्डारी सर्वसम्मत रुपमा चयन भएका छन् । संस्थाको उपाध्यक्षमा दर्गादत्त आचार्य, सचिव योगनाथ कँडेल, सहसचिव उषा पौडेल र कोषाध्यक्षमा राजेन्द्र शाक्य चयन भएका छन् ।
संस्थाको सदस्यहरुमा अर्जुन घिमिरे, रघुनाथ राजभण्डारी, मोहनबहादुर महत, धर्मराज शर्मा, हरिवावु सापकोटा, निर्मला जिसी पन्त, अर्जुन श्रेष्ठ र भोजराज रेग्मी चयन भएका छन । लेखा तथा सुपरिवेक्षण समितिको संयोजकमा युक्तजङ्ग राजभण्डारी, सदस्यमा दर्शन श्रेष्ठ र राजन श्रेष्ठ रहेका छन ।
संस्थाले गत आर्थिक बर्षमा २ अर्व १२ करोड, ५३ लाख २८ हजार ५ सय ८४ रुपैया कारोवार गरेको सचिव योगनाथ कडेलले जानकारी दिए । कार्यक्रममा संस्थाको संरक्षित पुँजी कोषवाट ८० जना नियमिति कारोवार गर्ने र १२ जना असल कारोवार गर्नेलाई सम्मान गरिएको थियो । साधारणसभाको उद्घाटन डिभिजन सहकारी कार्यालय बागलुङका प्रमुख बिष्णुप्रसाद शर्माले गरेका थिए ।
कार्यक्रममा समाजसेवी देवबहादुर श्रेष्ठ, पद्यमचन्द राजभण्डारी, जिल्ला स्वास्थय सहकारी संघका अध्यक्ष सिता शर्मा, संस्थाका सल्लाहकार नविन खड्का, पत्रकार महासंघ बागलुङका अध्यक्ष मुकेशचन्द्र राजभण्डारी, बागलुङ उद्योग बाणिज्य संघका निवर्तमान अध्यक्ष बसन्तकुमार श्रेष्ठ, एकता सहकारी संस्थाका अध्यक्ष धुर्व शर्मा, शंखधर बहुमुखी सहकारी संस्थाका अध्यक्ष रतनप्रसाद मलेपति, सिवाइसी साकोसका उपाध्यक्ष गितादेवि रेग्मी, शेयर सदस्यको तर्फवाट महेशचन्द्र प्रधान र माया खड्काले मंतव्य व्यक्त गरेका थिए । कार्यक्रम सहकारीका अध्यक्ष अशोकगोविन्द राजभण्डारीको अध्यक्षता, उपाध्यक्ष डिलबहादुर कार्कीको स्वागत र सचिव योगनाथ कडेलको संचालनमा सम्पन्न भएको थियो ।