कालीगण्डकी करीडोरको दोस्रो खण्डको काम सुरु

बागलुङ, २५ भदौ- दक्षिण छिमेकी भारत र उत्तर छिमेकी चीन जोड्ने सवैभन्दा छोटो सडक कालीगण्डकी करिडोरमा बागलुङतर्फको दोस्रो खण्डमा शुक्रबारबाट काम सुरु गरिएको छ ।
पुर्व शिक्षामन्त्री दिननाथ शर्मा र बागलुङ क्षेत्र नम्बर २ का सांसद प्रकाश पौडेलले संयुतmरुपमा यो खण्डको कामको शिलन्यास गरे ।
कामको जिम्मा लिएको नेपाली सेनाले जिल्लाको दक्षिण बलेवा टाकुरीदेखी गुल्मी र बागलुङ सिमाना पालुङखोलासम्मको २२ किलोमिटर खण्डमा काम सुरु गरेको हो । उक्त खण्डमा पुल बाहेक रु. ३३ करोडको लागतमा टाकुरी पालुङखोला ट्याक निमार्ण गरिने सेनाले जनाएको छ ।
यसअघि बागलुङतर्फको पहिलो खण्ड मालढुङ्गादेखि वलेवा टाकुरीसम्मको १४ किलोमिटरमा नेपाली सेनाले ट्याक खोली सकेको छ । बजेटको अभाव र अन्य कुनै समस्या नआएमा चैत महिनाको अन्त्यसम्ममा पालुङखोलासम्ममा ट्याक खोली सक्ने गरि का अगाडि बढाइने नेपाली सेनाका प्रमुख सेनानी इन्जीनियर रेश्मीराज भट्टराईले बताए ।
नेपाली सेनाले नयाँ ट्याकमा पर्ने खोलाहरुमा बेलीबृजको स्टीमेट तयार गरेपनि पुल निर्माण विषयमा भने टुङगो लागेको छैन् । नेपाली सेनाले तोकीए भन्दा पहिलेनै सडक निमार्ण गरेपछि पुन काम गर्ने मौका पाएको हो ।
चीनको सिमा कोरलादेखी भारतको सिमा सुनौलीसम्म तीन सय ४२ किलोमिटर सडकमा बागलुङ जिल्लामा २८ किलोमिटर सडक पर्दछ । यो सडक निर्माण भएमा बागलुङबाट बुटवलसम्म पाँच घण्टामा पुग्ने सकिनेछ ।
बागलुङ खण्डकोे ट्याक खोलीए र गुल्मीको ३ किलोमिटर सफा गरेपछि बागलुङबाट बुटवलसम्म २ सय ५० किलोमिटरको यात्रा १ सय ५० किलोमिटरमा छोटिने छ ।