एमाले बागलुङको संगठन विस्तार

बागलुङ, २० भाद्र – नेकपा एमालेले संगठन सुदृढीकरण अभियान अन्र्तगत जैमिनी नगरपालिकामा विभिन्न कार्यक्रमहरु सम्पन्न गरेको छ । शनिवारदेखि शुरु भएको अभियानमा एमालेले वडा तहमा कार्यक्रम संचालन गरिरहेको हो ।
सोमबार एमालेले जैमिनी नगरपालिका वडा नं. ५ बिनामारेमा अगुवा कार्यकर्ता भेला तथा प्रशिक्षण कार्यक्रम सम्पन्न गरेको हो । उक्त अवसरमा एमालेले गत स्थानीय तह निर्वाचनको समिक्षा सहित आगामी दिनमा गर्ने काम तथा पार्टीको भावी रणनीतिको बारेमा छलफल भएको जिल्ला सचिवालय सदस्य भूपाल चालिसेले बताए ।
प्रशिक्षण कार्यक्रम समेत संचालन भएकोले अगुवा कार्यकर्तालाई पार्टी संगठनका महत्वपूर्ण कामको बारेमा प्रशिक्षणा दिइएको थियो । उक्त अवसरमा पार्टीका जिल्ला अध्यक्ष इन्द्रलाल सापकोटा, पूर्व अध्यक्ष तथा प्रदेश नं. ४ का सदस्य श्रीप्रसाद शर्मा, केन्द्रीय जलश्रोत विभागका सदस्य हिरा केसी, उपाध्यक्ष कृष्ण पाठक, जिल्ला सचिवालय सदस्य भूपाल चालिसे र जिल्ला सदस्य ईन्द्र थापाले सहजीकरण गरेका थिए ।
उक्त अवसरमा गत स्थानीय तह निर्वाचन सफल बनाउने मतदातालाई धन्यवाद, निर्वाचिन जनप्रतिनिधिलाई स्वागत समेत गरिएको थियो । एमाले बिनामारे संगठन कमिटिका अध्यक्ष रमेश क्षेत्रीको अध्यक्षता, सचिव राजु केसीको संचालन र कृष्ण आचार्यको स्वागतमा कार्यक्रम सम्पन्न भएको थियो ।