बागलुङ, १४ भदौ – बाग्लुङको गलकोटमा करेन्ट लागेर एक युवाको ज्यान गएको छ ।
गलकोट नगरपालिका वडा नम्बर–२ नरेठाँटीमा करेन्ट लागेर जिल्लाको बाग्लुङ नगरपालिका–११ रायडाँडाका २५ वर्षीय हरि हरिजनको ज्यान गएको हो । हरिचौरदेखि बागलुङसम्म निर्माणाधिन प्रशारण लाईनमा थ्रिफ्रेज लाइन जोड्ने क्रममा करेन्ट बहन भई मृत्यु भएको प्रहरीले जनाएको छ ।
करेन्ट लाग्नुअघि ३ वटा पोलमा काम गरेको र चौथो पोलमा काम गरिरहेको बेला करेन्ट लागेर हरिजनको घटनास्थलमा नै ज्यान गएको ईलाका प्रहरी कार्यालय गलकोटका प्रहरी निरीक्षक अर्जुनध्वज अधिकारिले जानकारी दिए । –तस्विरः बालकृष्ण सुवेदी
