एजेन्सी-कवि नवराज पराजुलीको ‘कविता कन्सर्ट’ अस्ट्रेलियामा सम्पन्न भएको छ । अन्तर्राष्ट्रिय नेपाली साहित्य समाज एनएसडब्लुले आयोजना गरेको ‘अनेसास भानु जयन्ती विशेष कविता कन्सर्ट २०१७’ मा सगरमाथाको गहिराई, खोया, ह्याप्पी बड्डेजस्ता कविताका सर्जक कवि पराजुलीले आफ्ना कविता सुनाएका हुन् । पराजुलीलाई बाँसुरी वादक सम्यक महर्जनले साथ दिएका थिए ।
२०७३ सालको मदन पुरस्कार र पद्यश्री पुरस्कारका लागि समेत मनोनित नवराजको ‘सगरमाथाको गहिराई’ मा संग्रहित विभिन्न कविता सुनाएर नवराजले कार्यक्रममा उपस्थित दर्शकलाई मन्त्रमुग्ध बनाएका थिए । उनले बाँसुरीको तालमा ६ कविता वाचन गरेका थिए ।
सिड्नीको एस्फिल्डको पोलिस क्लबमा आयोजना गरिएको कार्यक्रममा सानु घिमिरेले कार्यक्रमको अध्यक्षता गरेकी थिइन् भने नवराज पराजुलीलाई नेपाली भाषा तथा साहित्यमा योगदान पु¥याएको भन्दै खादा र प्रशंसा पत्रसहित सम्मान पनि गरिएको थियो । साथै बाँसुरी वादक मर्हजनलाई पनि अभिनन्दन गरिएको थियो ।
