एजेन्सी-बलिउड अभिनेता रणवीर सिंह र शीर्ष अभिनेत्री दीपिका पादुकोणबीच सम्बन्ध तोडिएको खबर आएको छ । यिनीहरूबीच एकअर्कालाई समय दिन फुर्सद नभएका कारण सम्बन्ध टुटेको भारतीय मनोरञ्जन साइटहरूले उल्लेख गरेका छन् ।
दुईजनाबीच मनमुटाव भएर भन्दा पनि समय दिन नपाएर दूरी आएको बताइएको छ । दीपिकाले एकपछि अर्को हलिउड फिल्म साइन गरेपछि अत्यन्तै बिजी भएकी छन् । रणवीरले आफूहरूबीचको सम्बन्धलाई अघि बढाएर बिहे गर्ने सोच बनाएको भएपनि दीपिका चाहिँ करीयरमा फोकस हुन चाहन्छिन् ।
खबर त केसम्म आएको छ भने रणवीरले अर्कै प्रेमिका खोजिसकेको बताइएको छ । रणवीर कपूरसँग ब्रेकअप भएपछि दीपिका आहत भएकी थिइन् । त्यतिखेर रणवीर सिंह उनको सहारा बनेर आएका थिए । दीपिका फेरि रणवीर कपूरसँग नजिकिने सम्भावना पनि उत्तिकै प्रबल छ ।यसैबीच रणवीर सिंह र दीपिका पादुकोण पद्मावती फिल्मको शूटिङमा व्यस्त छन् ।
