रिघा गाविसमा मौरीपालनमा

बागलुङ, २२ भदौ – जिल्लाको रिघा गाविसका टेकबहादुर पुन ब्यवसायिक मौरीपालनतर्फ लागेका छन् । १७ बर्ष साउदी अरबमा दुःख भोगेका पुनले गाउँमै केही गनुपर्छ भन्ने उदेश्यले मौरीपालनतर्फ लागेको बताए ।
थोरै मौरी पाल्र्दै आएका पुनले २०६९ सालदेखि भने ब्यवसायिक रुपमा अगाडि बढाएका हुन् । गत बर्षको चैत र अहिलेको बैशाखमा मौरीमा रोग देखिएपछि ७ घारका मौरी मरेको पुनको भनाई छ ।
२०७२ सालमा २६ घार मौरी भएकोमा अहिले मरेपछि २० घार मौरी रहेका छन् । रिघामा मौरीपालनको राम्रो सम्भावना भएको भन्दै जिल्ला कृषि विकास कार्यालय युवा लक्षित कार्यक्रमबाट २० ओटा मौरी सहितका घार दिएपछि आफुहरु ब्यवसायीक मौरीपालनतर्फ लागेको अर्का मौरीपालक ब्यवसायी साबित्रा थापाले बताइन् ।
सुरुका बर्ष भएकाले बार्षिक रुपमा ६० देखि ७० हजार आम्दानी हुने गरेको थापाको भनाई छ । परिश्रम बढि नलाग्ने भएकाले सोचेभन्दा आम्दानी बढि भएको थापाको भनाई छ । यस बर्षदेखि मह कम मात्रामा निकाल्ने र मौरीको संख्या बढाउने सोचमा रहेको टेकबहादुर पुनको भनाई छ । सुरुमा सामान्य मुढे घारमा मौरीपालन गर्दै आएका रिघाका कृषकहरु अहिले आधुनिक घारमा ब्यवसायिक मौरीपालन गर्दै आएको पुनले जानकारी दिए ।
आगामी दिनमा मौरीपानलाई जिवन चलाउने आधार बनाउने दुवै कृषकको सोच रहेको छ । दुवैले ५० देखि ६० घार मौरी पु¥याउने लक्ष्य लिएका छन् । मौरीपालनसँग सम्बन्धित सामान्य तालिम लिएका दुवैले आफुहरुलाई मौरीको बारेमा सबै जानकारी नभएको भन्दै तालिम आवश्यक भएको बताएका छन् ।