बागलुङ, २२ भदौ – नेपाल निजामती कर्मचारी दिवशको अवसरमा बागलुङमा भएको मैत्रीपूर्ण फूटवल खेलमा सिडिओ ११ लाई कर्मचारीहरुको आधिकारीक ट्रेड युनियन ११ले जीत हात पारेको छ ।
मंगलवार भएको खेलमा युनियनले २ का विरुद्ध ३ गोलले सिडिओ ११ लाइ पराजित गरेको हो । बाङेचौर स्थित मैदानमा भएको खेलको शुरुमै युनियनका तर्फबाट काशीराम शर्माले गोल गरेका थिए । पहिलो हापको अन्तिम चरणमा इन्जिनियर शंकर बुढाथोकीले गोल गरेपछि युनियनको अग्रता दोब्बर पारेका थिए ।
दोश्रो हाफको शुरुमै युनियनकै गोल किपर नविन चौलागाइले आत्मघाती गोल गरेपछि सिडिओ ११ लाइ हौसला थपेको थियो । उक्त गोलको सहायताले खेललाइ बराबरी बनाउने कसरतमा लागेको सिडिओ ११ लाइ युनियनले जितेरै छाड्यो । खेलको मध्य समयमा सिडिओ ११ का शंकर थापाले गोल थपेपछि दुवै समूहको बराबरी भएको थियो ।
रोमान्चक खेलको अन्त्यमा युनियन तर्फका दीपक थापाले गोल गरेपछि युनियनले जीत हात पारेको हो । प्रतियोगितालाइ रोमान्चक बनाउन प्रमुख जिल्ला अधिकारी भागिरथ पाण्डेय, प्रमुख कोष नियन्त्रक रामजीप्रसाद शर्मा, तथा बरिष्ठ कृषि विकास अधिकृत बिनोद हमाल पुरै समय खेल मैदानमा उत्रिएका थिए । प्रतियोगिताको बिजयी टिमलाइ निजामती सेवा दिवशको मुल समारोहमा पुरस्कार तथा प्रमाणपत्र दिइने कार्यक्रम रहेको छ ।
Previous Articleरिघा गाविसमा मौरीपालनमा
Next Article मुटुको गति बन्द हुने रोग तीव्र गतिमा बढ्दै