तोरिपानी कृषक टिम्मुर खेतीमा आर्कषित

म्याग्दी, २३ असार – जिल्लाको बेनी नगरपालीका– ९ तोरीपानीका कृषकलाई टिम्मुर खेती विस्तारका लागि बिहीबार चार हजार बिरुवा वितरण गरिएको छ । टिम्मुर खेतीको अवस्था, समस्या र सम्भावनाको विषयमा सरोकारवालाहरुबीच छलफल समेत भएको छ । ब्यापार तथा निकासी प्रर्वद्धन केन्द्रको सहयोगमा म्याग्दी उद्योग वाणिज्य संघले टिम्मुरका बिरुवा उपलब्ध गराएको हो । बिहिबार गाउँमा आयोजित कार्यक्रममा स्थानीय अगुवा कृषक गुमानसिंह बानियाँको नर्सरीबाट विरुवा खरिद गरी कृषकलाई उपलब्ध गराइएको बरिष्ठ उपाध्यक्ष उत्तम कर्माचार्यले बताए । उनका अनुसार संघमार्फत पाँच बर्ष यता जिल्लाका विभिन्न स्थानमा करिव २० हजार विरुवा सहित आवश्यक प्राविधिक सहयोग उपलब्ध गराइएको बताए । सोही अवसरमा ब्यापार तथा निकासी प्रर्वद्धन केन्द्रका उपनिर्देशक सिद्धचरण, टिम्मुर खेती प्रबिधिको बारेमा सहायक वन अधिकृत चन्द्रमणी सापकोटाले प्रशिक्षण दिएका थिए । गाउँका अगुवा कृषक सागर बानियाँले टिम्मुरका बारेमा जानकारी गराएका थिए । उनले गाउँ टिम्मुरमा आर्कषित भएको बतायँनै आवश्यक प्राविधिक सहयोगको आवश्यकता रहेको समेत बताए । उनले गाउँमा टिम्मुको नर्सरी समेत स्थापना गरिएपछि सहज भएको बताए । गत वर्ष तोरीपानीबाट एक हजार ४०० केजी टिम्मुर निकासी भएको छ । कार्यक्रमममा म्याग्दी उद्योग वाणिज्य संघका कोषाध्यक्ष एवम् ब्यापार तथा निकासी प्रर्वद्धन विकास समितिका सदस्य दिपेन्द्र श्रेष्ठले केन्द्रको सहयोगमा वितरण गरिएको टिमुर विरुवाले तोरीपानीलाई टिमुर गाउँको रुपमा विकास गर्न थप सहयोग मिलेको कृषकको भनाई छ । सोही अवसरमा जिल्ला कृषि विकास कार्यालयका कृषि प्रचार अधिकृत बेदनाथ पन्थीले समेत मन्तब्य राखेका थिए । कार्यक्रमको सञ्चालन म्याग्दी उद्योग वाणिज्य संघका कार्यालय प्रमुख दिलिप पुनले गरेका थिए । कार्यक्रममा संघका द्धितिय उपाध्यक्ष सुविन श्रेष्ठ, महासचिव राजेश शाक्य लगाएतको उपस्थिती रहेको थियो । जिल्लाभर बार्षिक करिव ३ हजार केजी टिम्मुर उत्पादनको सम्भावना रहेको छ । बेनी नगरपालिका र पाँचवटा गाउँपालिका अन्र्तरगत पर्ने साविकको २० वटा गाविसमा टिम्मुर खेतीको सम्भावना छ ।