मापदण्ड विपरित अमान्यः पौडेल

बागलुङ, ८ असार-बागलुङ नगरपालिकाका नगर प्रमुख जनकराज पौडेलले बागलुङ नगरलाई सुन्दर र सुरक्षित बनाउन मापदण्ड बिपरितका घर नबनाउन नगरबासीलाई अनुरोध गरेका छन् । उनले नियमबिपरित घर बनाएमा भोलि नगरपालिकाले भत्काउन सक्ने बताए । धौलागिरि संचार क्लब बागलुङले बुधबार आयोजना गरेको साक्षात्कार कार्यक्रममा नगर प्रमुख पौडेलले बागलुङ नगरको विकासको लागि सबै सचेत र इमान्दार हुन जरुरी रहेको बताउदै नगरमा योजनावद्ध विकास गर्ने आफ्नो योजना रहेको
बताए । बागलुङ नगरपालिका भित्रको १४ वटा वडामा कर्मचारीलाई कामको जिम्मेवारी दिइसकेको, सबै कर्मचारीलाई आफ्नो कर्तव्यको ख्याल राखेर नगरबासीलाई सेवा दिन समेत पौडेलले निर्देशन दिएको बताए । साक्षात्कार कार्यक्रममा नगर प्रमुख पौडेललाई संचारकर्मिले बागलुङको फोहोर ब्यबस्थापन,
सडक कालोपत्रे, मनपरि तरिकाले बन्दै गरेका घर तथा भबन, सडकमा अस्तब्यस्त, सवारी साधन, बसपार्क, बागलुङ नगरपालिकाको कर्मचारीको काम गर्ने शैलीबारे जिज्ञासा राखेका थिए । क्लबका संयोजक राजेशचन्द्र राजभण्डारीको अध्यक्षता, सदस्य सृजना पन्तले धन्यवाद ज्ञापन र क्लबका सदस्य कृण्ण कँडेलको संचालनमा कार्यक्रम सम्पन्न भएको थियो ।