बेपत्ता परेका युवकको खोजिको माग गर्दै बागलुङ बजार बन्द

बन्दकर्ताले पुनलाइ प्रहरीले लखटेर हाम फाल्न बाध्य पारेको र खोजिकार्य पनि नगरेको आरोप लगाएका छन। सत्यतथ्य बाहिर ल्याउन र खोजिकार्य गर्न दबाब स्वरुप बन्दको आव्हान गरिएको उनिहरुको भनाइ छ । मंगलबार मालढुंगाको चेक पोस्टमा लागुऔषध प्रयोगका सामाग्रिको आसंकामा ट्याक्सि चेक जाँच गर्दा पुन भागेर कालिगण्डकिमा हाम फालेको प्रहरीले बताउदै आएको छ। ट्याक्सिमा सवार सुनिल पुन, दिपेन्द्र कार्कि र भिमसेन लामा लाई चेक गर्दा लागू औषध प्रयोग गर्ने सामाग्री भेटिएर सोधखोज गरि नियन्त्रणमा लिन खोजेको चेक पोस्टका प्रमुख प्रसनि गजेन्द्र बहादुर थापाले बताए । सुनिल संगै सवार दिपेन्द्र कार्कि र भिमसेन लामालाइ भने अनुसन्धानका लागि प्रहरीले नियन्त्रणमा लिएको छ । बेपत्ता पुनको खोजिकार्य भईरहेको प्रहरीले जनाएको छ । लेखानी घर भएकम पुन भर्खर एसईई परीक्षा दिएर बागलुङ बजारको देउराली चोकमा बस्दै आएका थिए ।