विजयी र्याली

बागलुङ, ८ जेठ-स्थानीय तहको निर्वाचनमा बानपा ११ बाट नेपाली कांग्रेसका तर्फबाट अध्यक्षमा विजयी युवा नेता ज्ञानेन्द्र गौतमलाई रायडाँडामा स्वागत एवं बधाई व्यक्त गरिएको छ । लामो समयदेखि पत्रकारिता क्षेत्रमा काम गर्दै आएका गौतम स्थानीय तहको निर्वाचनमा विजयी भएपछि वडाभरका स्थानीयले खुसी साटासाट गरेका छन् । बाजागाजा सहित स्थानीयले बानपा–११ बाट विजयी अध्यक्ष गौतम लगाए अन्य सदस्यहरुलाई गाउँगाउँमा पु¥याएका थिए । साविकको रायडाँडा वडा न १ बाट सुरु भएको विजयी ¥याली वडा न ९ मा पुगेर सभामा परिणत भएको थियो । सभालाई सम्बोधन गर्दै नेपाली कांग्रेसका सभापति दिपेन्द्रबहादुर थापाले स्थानीय तहको निर्वाचनमा पार्टीले भोग्नुपरेका तिता–मिठा कुरालाई आत्मसाथ गरि आगामी दिनमा अगाडि बढने बताए । उनले निर्वाचनमा चाहे अनुसार आफुहरुले सफलता प्राप्त गर्न नसकेपनि आगामी दिनमा मार्ग दर्शनको रुपमा लिएर हरेकको मन मुटुमा बस्न सक्ने बनाउन सबै लाग्नुपर्ने बताए । कार्यक्रममा नव निर्वाचित वडाध्यक्ष ज्ञानेन्द्र गौतमले चुस्तदुस्त रुपमा वडाको विकासको लागि कटिबद्ध भएर लाग्ने बताएका थिए । नमुना वडाको रुपमा अगाडि लैजान आफु सक्रिय भएर लाग्ने हुँदा स्थानीयको सहयोग र साथ आवश्यक पर्ने उनले बताए । कार्यक्रममा नेपाली कांग्रेसका महाधिवेशन प्रतिनिधि कृष्णशंकर श्रेष्ठ, त्रिचन्द्र क्याम्पसका इकाई सभापति बिष्णु पौडेल, क्षेत्रीय सदस्य टेकबहादुर कुवर ‘सन्तोष’, नवनिर्वाचन वडा सदस्य दुर्गाबहादुर थापा लगाएतले बोलेका थिए । बानपा–११ का कोषाध्यक्ष घनश्याम पौडेलको अध्यक्षता, क्रियाशिल सदस्य रत्नाकर गौतमको स्वातग र क्षेत्रीय प्रतिनिधि मिलक केसीको संचालनमा कार्यक्रम सम्पन्न भएको थियो । गौतमले स्थानिय तहको निर्वाचनमा बानपा ११ बाट ६ सय ५ मत प्राप्त गरि विजयी भएका थिए । गौतम नेपाल प्रेस युनियनका केन्द्रिय सदस्य, बागलुङ एफ.एम.का स्टेशन म्यानेजरको रुपमा काम गर्दै आएका छन् ।