काठमाडौं, चैत २० – नेपालकी कलाकार साध्वी भट्ट केन्द्रीय भूमिकामा अभिनित बलिउड चलचित्र ‘द ड्रिम जव’का तीन गीत सार्वजनिक भएका छन् । गीतमा गायक मिका सिंह, नकाश अजिज, नीति मोहन, जावेद अलि, ममता शर्मा, मनोज तिवारीले गीत गाएका छन् । गीतहरु युट्युव, आइट्युनस्, लगायतमा सुन्न सकिन्छ ।
सङ्गीत र अभिनय अध्ययनका लागि मुम्बई पुगेकी साध्वीले रियल रिल्स प्रोडक्सनले निर्माण गरेको ‘द ड्रिम जव’मा अभिनय गरेकी हुन् । चलचित्रले युथ लभ स्टोरी र बैङ्किङ क्षेत्रको खराब प्रबृत्तिलाई उतारेको छ । साध्वीले चलचित्रमा बैङ्करको भूमिका निर्वाह गरेकी छन् ।
‘भाग्य नै भनौ म बलिउड चलचित्रमा काम गरिरहेकी छु’ साध्वीले भनिन् ‘बलिउमा सिकेको अभिनय कौशल नेपाली चलचित्रमा लगाउनु छु ।’
साध्वीले केही नेपाली चलचित्रका लागि स्क्रिप्त पनि अध्यायन गरिरहेकी छन् । दुई वटा बलिउड चलचित्र अभिनय तयारीमा रहेकी साध्वीले नेपाली चलचित्रमा छिटै काम थाल्ने विश्वास व्यक्त गरेकी छन् ।
जेठमा सार्वजनिक प्रदर्शनमा आउने ‘द ड्रिम जव’मा सात वटा गीत रहेको छ ।- रातोपाटी
