रास्वपा एउटै पार्टी भए पनि त्यहाँ दुई पक्ष छ– एउटा बालेनको, अर्को रविको । बालेन औपचारिक रूपमा पुस १३ गते मात्र रास्वपामा प्रवेश गरेका हुन् ।
प्रधानमन्त्री पाउने शर्तमा देश विकास पार्टी नखोली घण्टीमा मिस्सिएका बालेनको अनुहार हेरेर धेरैले भोट दिएको प्रष्ट छ । बालेनकै आकर्षणका कारण फागुन २१ गते सम्पन्न प्रतिनिधिसभा सदस्य निर्वाचनमा रास्वपा दुईतिहाई नजिक पुगेको पनि अब घामजत्तिकै छर्ल¨ भइसक्यो । रास्वपाले सचिवालयको चैत १ गते आइतबारको भर्चुअल बैठकबाट बालेनलाई प्रधानमन्त्री बनाउने विषयमा सहमति गरेको छ । हाल मन्त्री छनोटको विषयमा छलफल चलिरहेको छ ।
इञ्जिनियरिङ ब्याकग्राउण्डका उनलाई बालेनले नै महानगरमा ल्याएका हुन् । बालेनको कोर टिममा रहेका सुनीलले रूपन्देही क्षेत्र नम्बर १ बाट चुनाव जितेका छन् । यता, बालेन रामेछापबाट निर्वाचित डा.कृष्णहरि बुढाथोकीलाई अर्थमन्त्री बनाउन चाहिरहेको बुझिन्छ । कृष्णहरिले पनि स्वर्णिमले झैं अर्थशास्त्रमा विद्यावारिधि र विभिन्न विषयमा स्नातकोत्तर सकाएका छन् । उनीसँग दुई दशक बैंक तथा वित्तीय क्षेत्रमा काम गरेको अनुभव छ । २०८० को उपनिर्वाचनमा पनि तनहुँबाट सांसद निर्वाचित स्वर्णिम त्यतिबेलैदेखि अर्थ ताकेर बसिरहेका छन् ।
सहज रूपमा क्याबिनेट चलाउन बालेनले निकट पात्रहरूलाई मन्त्री बनाउन चाहेको जिकिरसहित स्रोतले भन्यो, ‘बालेन रविले सभापतिको जिम्मेवारी चलाउन् भन्नेमा छन् । मन्त्री छान्ने काममा आफूलाई अवरोध नगरुन् भन्ने धारणा छ । उनले आफ्नो तर्फबाट मन्त्री छानिसकेका छन् तर रविले त्यसमा सर्लक्कै सहमति जनाउने देखिँदैन । मन्त्री छनौटमा रास्वपामा राम्रै तानातान हुने देखिएको छ ।’