अमेरिका रहेका गायक श्रीसलाई मायालुले नेपाल डाकेपछि…

बागलुङको धम्जाका दिलिपकुमार श्रीसले आफ्नो नयाँ गितको भिडियो सार्वजनिक गरेका छन् । केही बर्ष अघि रेकर्ड गरिएको ‘डाक्यो डाक्यो, मायाले मलाई डाक्यो’ बोलको लोक पप गितको भिडियो अमेरिकामा तयार गरिएको हो ।
श्रीस अहिले अध्ययन र रोजगारको शिलशिलामा अमेरिकामा रहेका छन् । आफ्नै शव्द, संगित र आवाजमा रहेको गितको भिडियो सार्वजनिक भए पछि श्रोता दर्शकको थप माया र सद्भाव प्राप्त भइरहेको गायक तथा सर्जक श्रीसले बताए ।
गित लेखन, गायन र संगित एकै व्यक्तिले गर्न कठिन भए पनि संगितको आधारभूत प्रशिक्षण समेत लिएका श्रीसले धेरै हद सम्म गितलाई उत्कृष्ट बनाउने प्रयास गरेको प्रतिक्रिया दिए । उक्त म्युजिक भिडियोमा मोडेल अकेशा बिष्ट, बिकी पुलामी र साउरामले अभियान गरेका छन् ।
बिकी पुलामीको निर्देशन, शम्भु मोक्तानको छायांकन र निशान घिमिरेले सम्पादन गरेको म्युजिक भिडियो युट्युवमा राखिए लगत्तै ८ हजार भन्दा बढी दर्शकले हेरिसकेका छन् । युवा पुस्तालाई केन्द्रित गरेर गित तयार गरिएकाले श्रोता दर्शकले बढी मन पराएको श्रीसले बताए ।