सुनदेवी रसाइली
गण्डकी प्रदेश मुख्यमन्त्री कार्यालयले गण्डकी प्रदेश समन्वय परिषद्को सदस्यमा विभिन्न जिल्लाबाट स्थानीय तहका जनप्रतिनिधिलाई मनोनयन गरेको छ ।
यही माघको ११ गते मुख्यमन्त्री स्तरको निर्णय अनुसार संघ, प्रदेश र स्थानीय तह(समन्वय र अन्तरसम्बन्ध) ऐन–२०७७ को दफा २४ ले व्यवस्था गरे बमोजिम समन्वय परिषद्को सदस्यमा मनोनयन गरेको हो । मुस्ताङ जिल्लाबाट घरपझोङ गाउँपालिका अध्यक्ष मोहनसिंह लालचनलाई परिषद्को सदस्यमा मनोनयन गरेको हो । मुस्ताङको घरपझोङ गाउँपालिका अध्यक्षमा २०७९ को निर्वाचनमा नेपाली कांग्रेसका तर्फबाट विजयी लालचनलाई परिषद सदस्यमा मनोनयन गरेको पत्र प्राप्त भएको गाउँपालिकाले जनाएको छ ।
त्यस्तै म्याग्दीको अन्नपुर्ण गाउँपालिकाकी उपाध्यक्ष दिवा कुमारी तिलिजा पुनलाई पनि सदस्यमा मनोनयन गरेको छ । तिलिजाले आफूलाई मनोनयन गरेको भनेर अन्य मित्रहरुले बधाई दिने काम गरेको बताउनु भयो । उहाँले भन्नुभयो मलाई मन्त्रालयबाट औपचारीक जानकारी आइ नसकेको भए पनि मनोनित गरेको भनेर अपडेट आएको भने छ । मनोनयन गरेको पत्र नै सामाजिक सञ्जालमा हालेरै साथीहरुले बधाइ दिएपछि होला भन्ने जानकारी भयो तर सम्बन्धीत कार्यालयबाट औपचारीक पत्र र जानकारी भने प्राप्त नभएको उहाँको भनाईपछि होला भन्ने जानकारी भयो तर सम्बन्धीत कार्यालयबाट औपचारीक पत्र र जानकारी भने प्राप्त नभएको उहाँको भनाई छ ।
त्यस्तै मुख्यमन्त्री कार्यालयका राजेन्द्रबहादुर क्षेत्रीका अनुसार पर्वत जिल्लाबाट पनि मोदी गाउँपालिकाका उपाध्यक्ष बिमल लामिछाने सदस्यमा मनोनयन हुनुभएको छ । उहाँका अनुसार यो ऐन अनुसार नियमित रुपमा गरिने र चयन हुने प्रकृया हो, समन्वयका लागि आवश्यक पर्ने भएकाले निर्णय भएको छ ।
