पुस्तक तथा स्टेसनरी व्यवसायी महासंघ म्याग्दीको साधारणसभा

अमृत बास्कुने
गुणस्तरीय उत्पादन, मर्यादित व्यापार नीति निर्माणमा पहुँच सांगठनिक आधार भन्ने मुल नाराका साथ नेपाल पुस्तक तथा स्टेशनरी व्यवसायी महासंघ म्याग्दी शाखाको १६ साधारणसभा शनिबार सम्पन्न भएको छ ।
बेनी नगरपालिका ५ मा रहेको बालजाग्रीती आधारभुत विद्यालय प्रांगणमा भएको साधारणसभामा म्याग्दी उद्योग बाणिज्य संघका अध्यक्ष सुविन श्रेष्ठले नारा जस्तै व्यवसायीहरुले कार्य गरेकोले नै देश विकासमा टेवा पुगेको बताउनुभयो । उहाँले निजी क्षेत्रले राज्यका लागि ठूलो योगदान दिने भएकोलेनै निजी क्षेत्रलाई समेटेर राज्यले तीन खम्बे अर्थनीति अबलम्बन गरेको धारणा राख्नु भएको थियो ।
बेनी नगरपालिकाका शिक्षा शाखा प्रमुख उपसचिव हेमचन्द्र पौडेलले शैक्षिक क्षेत्रलाई सहज तबरले चलाउनका लागि पुस्तक तथा स्टेसनरी व्यवसायीको भूमिका महत्वपूर्ण रहेको धारणा राख्नु भएको थियो ।
नेपाल पुस्तक तथा स्टेसनरी व्यवसायी महासंघ जिल्ला शाखा म्याग्दीका सभापति नारायण पौडेलको अध्यक्षतामा आयोजित कार्यक्रममा प्याब्सन म्याग्दीका अध्यक्ष हिरा पुन, नेपाल पुस्तक तथा स्टेसनरी व्यवसायी महासंघ गण्डकी प्रदेशका निवर्तमान अध्यक्ष लिलाराम गौतम, कोषाध्यक्ष ठाकुरप्रसाद शर्मा लगायतले बोल्नु भएको थियो ।
नेपाल पुस्तक तथा स्टेसनरी व्यवसायी महासंघका निवर्तमान अध्यक्ष नवराज पौडेलले स्वागत गर्नु भएको कार्यक्रममा बस्तुगत तर्फबाट अर्जुन आचार्य, संस्थापक अध्यक्ष सुदर्शनकुमार श्रेष्ठ लगायतले बोल्नु भएको थियो । कार्यक्रममा विषयगत संघहरु तर्फ मोबाइल व्यवसायी संघका अध्यक्ष अर्जुन आचार्य, तरकारी तथा फलफूल व्यवसायी संघका अध्यक्ष प्रेम गिरी, महिला उद्यम विकास समितिका सभापति अम्बिका श्रेष्ठ लगायतको उपस्थिति रहेको थियो ।