गुणस्तरीय शिक्षाको बारेमा जानकारी दिन एभरेष्ट ग्लोबलको एक्सपो

विश्वका जुनसुकै मुलुकमा पुगेर गुणस्तरीय शिक्षा लिन चाहने विद्यार्थीहरुलाई सहजीकरण गर्न एभरेष्ट ग्लोबल एजुकेसन कन्सल्टेन्सीले बेनी बजारमा एजुकेसन एक्सपो सम्पनन गरेको छ । म्याग्दीको सदरमुकाम बेनीमा एभरेष्ट ग्लोबल एजुकेशन कन्सल्टेन्सीले वैदेशिक शिक्षासम्बन्धी सूचना तथा परामर्श प्रदान गर्ने उद्देश्यले एजुकेशन एक्सपो आयोजना गरेको थियो । एक्सपोमा शैक्षिक क्षेत्रका अगुवाका साथै विद्यार्थीहरुको भव्य सहभागिता रहेको थियो ।
हिमाली जिल्ला म्याग्दीका साथै यस क्षेत्रको वरपरबाट विदेशमा गएर उच्च शिक्षा हासिल गर्न चाहने विद्यार्थीको चाहनालाई लक्षित गर्दै आयोजित एक्सपोमा स्टाण्टन कलेजका नेपाल प्रमुख तिर्थराज जोशी र चेओङगन कलेजका चिप म्यानेजर आलोक बस्ताकोटी लगायतले शैक्षिक पद्धति र संस्थाहरू, शैक्षिक सुविधा, विदेशमा गएर अध्ययन गर्ने समयमा आइपर्ने चुनौतिहरुका विषयमा काउन्सिलिङ गर्नुभएको थियो ।

बेनी बजारमा रहेको जिल्ला समन्वय समितिको सभाहलमा आयोजित एक्सपोमा स्नातक तह, स्नातकोत्तर तह एवम् विद्यावारिधी तहको अध्ययनका लागि आवश्यक प्रक्रिया, शुल्क, पूर्वतयारी कक्षा, छात्रवृत्ती, आवश्यक शैक्षिक योग्यता लगायतका सूचना तथा जानकारी दिइएको थियो । विद्यार्थीहरुका लागि आवश्यक पर्ने सल्लाहका साथै उनीहरुलाई कुन कलेज कस्तो अध्यापन र कस्तो सुविधा अनि कस्ता विषयमा पढाइ हुन्छ भन्ने बारेमा समेत समय सान्दर्भीक जानकारी दिइएको एभरेष्ट ग्लोबल एजुकेशन कन्सल्टेन्सीका बेनी शाखाका प्रमुख जगत गैरेले जानकारी दिनुभयो ।
आफू सँग ज्ञान नहुँदै उच्च शिक्षाका लागि कलेज छनौट गर्दा विद्यार्थीले धेरै समस्या भोक्दै आएको हुनाले त्यसबाट कसरी सचित हुन सकिन्छ भन्ने पनि एक्सपोमा जानकारी गराइएको थियो ।
नेपालबाट अध्ययनका लागि अधिकांश विद्यार्थीहरुको गन्तव्य हुने गरेका मुलुकहरु अस्ट्रेलिया, अमेरिका, क्यानडा, न्यूजिल्याण्ड, दक्षिण कोरिया, यूएई र यूरोपका बिभिन्न विश्वविद्यालयका बारेमा विद्यार्थीले आफूलाई यलागेको जिज्ञासा राखेका थिए । एक्सपोमा म्याग्दी र पर्वत जिल्लाका विद्यार्थी र अभिभावकको सहभागिता रहेको थियो ।

एक्सपोमा सहभागी विद्यार्थीले बैदेशिक अध्ययनका लागि आवश्यक पर्ने परामर्शका साथै विश्वविद्यालयका बारेमा समेत धेरै जानकारी पाएको बताएका थिए । बेनी शाखाका प्रमुख गैरेको अध्यक्षता, काठमाण्डौ शाखाका निर्देशक मोहान थापाको स्वागत, पोखरा शाखाका प्रमुख प्रवेश बरुवालले जानकारी दिएको कार्यक्रमको सञ्चालन न्यू वेष्ट पोइन्ट आवासीय माविकी विद्यार्थी बर्षा थापाले सञ्चालन गर्नुभएको थियो । एक्सपोमा एक सयभन्दा बढी विद्यार्थीले रजिष्टेशन सहित सहभागिता जनाएका थिए ।

एभरेष्ट ग्लोबल एजुकेशन कन्सल्टेन्सीको म्याग्दीको बेनी, अष्ट्रेलियाको सिड्नीको रकडेल, पोखरा र काठमाण्डौमा शाखा रहेको छ भने अष्ट्रेलियाको पर्थमा केन्द्रिय कार्यालय छ ।