मंगला गाउँपालिका–२ ¥यालेखोरमा सोलार बत्तीको प्रयोग गरेर गाउँको पुछारमा भएको मुलको पानी संकलन गरेर गाउँको सिरान सम्म पानी तानेर गाउँभरीका सर्वसाधारणलाई स्वच्छ पिउने पानी वितरण गरिएको छ ।
¥यालेखोर खुम्लिया खानेपानी तथा सरसफाइ आयोजना अन्तरगत सोलार बत्तीको प्रयोगबाट एक सय ९० मिटर उचाइ सम्म पानी पुगाउनका लागि लिफ्टीङ बद्धतिबाट पानी तानेर गाउँमा बितरण गरीएको छ । गाउँका एक सय छ घर दुई वटा स्कुल गरी कुल आठ सय ३० जनसंख्याले पिउने पानीको सुविधा पाएका छन् । १९० मिटर सिधा उचाइ सम्म पानी पुगाउनका लागि ३०० मिटर पाइपको प्रयोगगरेर विद्युतीय मोटरको सहायताबाट पानी गाउँमा बितरण गर्न उचाइमा पुगाइएको छ । एक सय ६ वटा घर र दुई वटा स्कुलमा धारा निर्माण गरिएको ¥यालेखोर खुम्लिया खानेपानी तथा उपभोक्ता समितिका अध्यक्ष तेजेन्द्र आचार्यले बताउनुभयो ।
त्रिभुवन मंगला माध्यमिक विद्यालयका विद्यालय व्यस्थापन समिति अध्यक्ष टेकबहादुर क्षेत्रीले पहिला पिउने पानीका लागि पनि लामो समय पर्खन पर्ने तथा भाँडा बोकेर पानी लिन जानु पर्ने अवस्था रहेकोमा अहिले भने घरमै धारा बने पछि पानीको समस्या हटेको बताउनुभयो । खानेपानीको समस्याले गर्दा काकाकुल जस्तै बनेका गाउँलेहरुलाई गाउँपालिका तथा नेवाको अर्थिक सँगै स्थानीयको श्रमदान र नगद सहभागिताले गाउँलेहरुले आफ्नै क्षेत्रमा रहेको पानीलाई गाउँमै प्रयोग गर्न पाएको उहाँको भनाई छ ।
पहिला स्कुलले ल्याएको पानी मागेर आफ्नो लागि प्रयोग गर्ने गरेको भए पनि अहिले लिफ्टीङ बिधिबाट गाउँको पुछारमा रहेको पानीको मुलबाट पानी तानेर गाउँको सिरानमा पु¥याएर गाउँभरी बाँडेको स्थानीय डम्बरकुमारी गुरुङले बताउनुभयो । पुछारमा भएको पानी सिरानमा पुराएर फेरी हाम्रै घर अगाडीको धारामा आउँदा खुशी लागेको छ उहाँले भन्नुभयो ।
जनश्रमदान २२ लाख ७८ हजार चार सय ६८, च्यारीटी वाटर अमेरिका मार्फत् नेपाल स्वास्थ्यका लागि पानी(नेवा)को ३४ लाख ९० हजार एक सय २६, मंगला गाउँपालिकाको २७ लाख ८ हजार तीन सय १६, उपभोक्ताको नगद तीन लाख ७५ हजार दुई सय १२ गरी कुल ८८ लाख ५२ हजार एक सय २२ रुपियाँको लागतमा उक्त लिफ्टीङ सहितको खानेपानी आयोजना सम्पन्न भएको हो । आयोजना सम्पन्न गर्नका लागि स्थानीय तह तथा उपभोक्ताहरुको सहभागिता र श्रमदान निकै महत्वपूर्ण रहेको नेपाल स्वास्थ्यका लागि पानी प्रदेश कार्यालय बागलुङका कार्यक्रम अधिकृत बिनोद कोइरालाले जानकारी दिनुभयो ।
मंगलबार जिल्ला समन्वय समितिका प्रमुख राजकुमार थापा, उपप्रमुख डिलकुमारी खत्री, मंगला गाउँपालिकाका अध्यक्ष सतप्रसाद रोका, नेपाल स्वास्थ्यका लागि पानीका गण्डकी प्रदेश कार्यालय बागलुंगका कार्यक्रम अधिकृत बिनोद कोइराला लगायको टोलीले अनुगमन गरेको थियो ।
