म्याग्दीमा जारी सर्वाधिक पुरस्कार राशीको म्याग्दी युवा कप पुरुष भलिबलको सेमिफाइनल समिकरण पुरा

म्याग्दीको बेनीमा जारी प्रथम म्याग्दी युवा कप २०८१ को पुरुष तर्फको खेलमा सेमीफाइनल समिकरण पुरा भएको छ ।
प्रतियोगितामा बेनी नगरपालिका ९, गलकोट नगरपालिका, बौद्धिकाली गाउँपालिका र रंघुगंगा गाउँपालिका प्रथम म्याग्दी युवा कप– २०८१ गण्डकी प्रदेश भित्रका पालिका स्तरीय पुरुष तथा खुल्ला महिला भलिबल प्रतियोगिताको सेमिफाइनलमा पुगेका हुन् । बेनीको खुल्ला मञ्चमा मंगलबार सम्पन्न खेलमा बेनीले धौलागिरी गाउँपालिकालाई ३–० को सोझो सेटमा पराजित गरेको थियो । बेनीले २५–१३, २५–२३ र २५–२० ले खेल जित्यो । त्यसैगरी अर्को खेलमा बौद्धिकाली गाउँपालिका नवलपरासी सुस्तापूर्वले बेनी नगरपालिका ५ लाई ३–१ को सेटमा पराजित गरेको थियो । पहिलो र दोस्रो सेट बौद्धिकालीले २५–१७ र २५–१७ ले जितेको भएपनि तेस्रो सेट १९–१५ ले गुमायो । चौथो सेटमा भने बौद्धिकालीले २५–१९ ले जित्दै सेमीफाइनल प्रवेश पक्का गरेको थियो ।
अन्य खेलमा गलकोट नगरपालिकाले मालिका गाउँपालिकालाई २५–१९ ले पहिलो सेट आफ्नो पक्षमा पारेको भएपनि दोश्रो सेट२५–२७ ले गुमाएको थियो । त्यस पछिका दुई सेट गलकोटले २५–१५ र २५–११ ले आफ्नो पक्षमा पारेको थियो । त्यसैगरी रंघुगंगा गाउँपालिकाले २५–१७, २५–१६ले पहिलो र दोश्रो सेट आफ्नो पक्षमा पार्दा तेश्रो सेटभने २४–२६ ले गुमाएपनि चौथो सेट २५–२१ ले आफ्नो पक्षमा पार्दै समग्रमा ३–१ ले आफ्नो पकडमा पार्दै सेमीफाइनलमा स्थान बनाएको छ ।
नेकपा एमाले निकट युवा संघले गणतन्त्र दिवसको अवसरमा अयोजना गरेको गण्डकी प्रदेश भित्रका पालिका स्तरीय भलिबल प्रतियोगिता म्याग्दी जिल्लामा हाल सम्मकै सर्वाधिक पुरस्कार राशीको खेल हो । दुई लाख रुपियाँ पहिलो पुरस्कार रहेको खेलमा दोश्रो हुनेले एक लाख २० हजार प्राप्त गर्नेछन् । गणतन्त्र दिवसको अवसर पारेर जेठ १४ देखि शुरु भएको भलिबलमा महिला तर्फ खुल्ला भलिबलको खेल १६ जेठ बाट हुने युवा संघ म्याग्दीका अध्यक्ष विजय घर्तीले जानकारी दिनुभयो । महिला भलिबल तर्फ भने प्रथम पुरस्कार ८० हजार रुपियाँ रहेको छ ।