मंगलामा कांग्रेस र माओवादी त्यागेर एमाले प्रवेश

नेकपा एमाले मंगला गाउँपालिका कमिटीको दोश्रो अधिवेशनको अवसर पारेर नेपाली कांग्रेस तथा नेकपा माओवादी केन्द्र त्यागेर दर्जनौं कार्यकर्ताहरु एमालेमा प्रवेश गरेका छन्।
पूर्व मन्त्री नरदेवी पुनको प्रमुख आतिथ्यतामा भएको मंगला गाउँकमिटीको दोश्रो अधिवेशनको अवसरमा मंगला गाउँपालिका २ का हर्कबहादुर ठकुरी, पृथ्वी शाही ठकुरी, लोकबहादुर घर्ती क्षेत्री, जमुना कार्की क्षेत्री, धनबहादुर बिक नेकपा माओवादी छाडेर नेकपा एमालेमा प्रवेश गर्नु भएको मंगला गाउँपालिकाका उपाध्यक्ष चिरिञ्जिवि शर्माले बताउनुभयो । त्यस्तै मंगला गाउँपालिका २ कै पूर्णबहादुर श्रीपाली नेपाली कांग्रेस त्यागेर एमालेमा समाहित हुनुभएको छ भने मंगला गाउँपालिका ३ का दुर्गबहादुर नेपाली माओवादी त्यागेर एमाले प्रवेश गर्नुभएको छ ।
अन्य पार्टीले देशको समग्र विकास गर्नमा खासै चासो नदेखिएको र दिर्घकालिन सोच नभएको पाइएकोले एमाले नै देशको विकास र दुरदर्शीता भएको पार्टी भएकाले आफूहरु एमाले प्रवेश गरेको उहाँहरुले बताउनुभएको नेकपा एमाले मंगला गाउँ कमिटीका सचिव राजु पाण्डेले बताउनुभयो ।