अन्नपुर्ण गाउँपालिका कमिटीको दोश्रो अधिवेवसनको तयारी पुरा

नेपाल कम्युनिष्ट पार्टी (एमाले)अन्नपुर्ण गाउँपालिका कमिटीको दोश्रो अधिवेवसनको सम्पूर्ण तयारी पुरा भएको छ । नेकपा एमाले अन्नपुर्ण गाउँपालिका कमिटीका अध्यक्ष धनकुमार पुर्जाका अनुसार अधिवेशनको सबै तयारी पुरा भएको हो ।
नेकपा एमालेका केन्द्रीय सदस्य तथा म्याग्दी इन्चार्ज गोविन्द नेपालीको प्रमुख आतिथ्यतामा हुने कार्यक्रमका लागि आवश्यक सबै तयारी सकिएको उहाँले बताउनुभयो । अन्नपुर्ण गाउँपालिकामा नेकपा एमालेले पहिलो स्थानियतह निर्वाचन गुमाएको भए पनि गत स्थानियतह निर्वाचनमा बहुमत सहित गाउँपालिका अध्यक्ष उपाध्यक्ष जित हासील गरेको थियो । अहिलेको माहौल मात्रै नभएर जनताको अपेक्षलाई पनि जोगाइ राख्नका लागि पनि यही आफ्नो बिरासत जोगाउँदै पार्टीलाइ अझै मजबुत बनाउने खालको जुझारु नेतृत्व चयन गर्नका लागि पनि अधिवेशन सफल हुने नेकपा एमाले म्याग्दीका उपसचिव खड्ग गिरीले बताउनुभयो ।
अधिवेशनका लागि आवश्यक प्रतिनिधि चयन, आर्थिक, प्रगति तथा सांगठनिक प्रतिवेदन तयारीका साथै स्वागतका लागि आवश्यक तयारी समेत पुरा भएको अध्यक्ष पुर्जाले बताउनुभयो । अधिवेशनलाई सभ्य तथा भव्य रुपमा सम्पन्न गर्नका लागि हामीले कुनै पनि कसर बाँकी राख्दैनौं, पार्टीको सदस्य तथा शुभचिन्तकहरुले अधिवेशनलाई सफल बनाउनका लागि आ–आफ्नो ठाउँबाट प्रयास गरी रहेको उहाँको भनाई थियो ।