म्याग्दीको कम्युनिष्ट आन्दोलनमा होमीनुभएका नवराज शर्माले विद्यार्थी कालदेखिनै पार्टी र संगठनको सुदृढीकरणका लागि नै योगदान दिदै आउनुभएको छ । २०४० को दशकमा बिद्यार्थी राजनीतिमा होमिएका शर्माले तत्कालीन अनेरास्ववियु, नेकपा माले तथा नेकपा एमाले हुँदै दोश्रो संविधानसभा निर्वाचन 2070 मा म्याग्दीबाट चुनाव जितेर आफ्नो जनआधारलाइ पनि चरितार्थ पार्नु भएको थियो ।
म्याग्दी 2048 मा दुइ वटा निर्वाचन क्षेत्र हुँदा जितेको एमालेले 2051 को मध्यावधिक निर्वाचनमा पनि निलबहादुर तिलिजाले जित्नु भएको थियो । त्यस पछि एमालेमा फुट आयो र माले तथा एमाले बन्यो त्यस पछिको निर्वाचन 2056 मा नेपाली कांग्रेसले जित्यो । नारायण सिंह पुनले कांग्रेसबाट चुनाव जित्दै गर्दा शिखमा बुथ क्याप्चरका लागि सयौंका गुण्डाहरुको भिड हेलिकोप्टरबाट शिखमा झार्दै गर्दा पनि शर्मा एक्लै मतदान स्थलमा पुगेर शाहसका साथ बुथ क्याप्चरको प्रयासलाइ बिफल पार्नु भएको थियो । शाहसको प्रतिमुर्तीका रुपमा रहनुभएका शर्माको तार्किक क्षमता, बिचारमा स्पष्ट र जनताको बहुदलिय जनबादलाइ मुलमन्त्र मानेर अगाडी बढ्ने नेताका रुपमा हुनुहुन्छ ।
म्याग्दीमा पहिलो संविधानसभा निर्वाचन 2064 मा माओबादीले जितेको म्याग्दी 2070 मा नवराज शर्माले एमाले बिरासत फिर्ता ल्याउनु भएको थियो । 2074 को आम निर्वाचनमा एमालेका भुपेन्द्र थापाले बिजय हासील गर्दा पनि नवराज शर्माको भुमिका मुलधारमै थियो । 2079 को स्थानिय तहको निर्वाचन हुँदा शर्मा गण्डकी प्रदेश अध्यक्ष हुनुहुन्थ्यो । उक्त समय म्याग्दीका तीन वटा पालिकामा अध्यक्ष उपाध्यक्ष र नगरपालिकामा प्रमुख पदमा एमाले बिजयी भएको थियो । शर्मा भुगोल चिन्ने र बुझ्ने मध्येके मुख्य नेतामा पर्ने आम कार्यकर्ताको बुझाइ छ । पार्टीमा फुट भन्दा पनि एकता र सहनेतृत्व सँगै अगाडी बढे मात्रै सफलता मिल्छ भन्ने धारणा राख्ने शर्मा सबैलाइ मिलाएर अगाडी बढ्ने नेतृत्वको रुपमा रहनुभएको छ । उहाँ समग्र भुगोल अनि गाउँ टोल नबने सम्म जिल्ला प्रदेश अनि राष्ट्र बन्दैन भनेरै सबैलाइ बनाउँदै सहअस्तित्व र सहकार्यमै पार्टी र मुलुकका जनताको उन्नती हुने बताउनुहुन्छ ।
गण्डकी प्रदेश अध्यक्ष भएको समयमा नेकपा एमालेका बिरुद्धमा सबै पार्टीहरु एक ठाउँमा बसेर मोर्चा बनाउँदै गर्दा शर्माकै नेतृत्वमा गण्डकी प्रदेशमा निर्वाचनमा होमिएको एमालेले ८५ स्थानिय तह मध्य ३५ स्थानिय तहमा प्रमुख जितेको थियो । त्यसैगरी कुल ३ हजार ९३७ जनप्रतिनिधि मध्य १ हजार ६ सय ३१ एमालेले जितेको थियो । ७५९ वडा मध्य 284 वडा अध्यक्ष एमालेका उम्मेदवार बिजयी भएका थिए । देशका सबै पार्टी एकातर्फ भएर एमाले बिरुद्ध लागेको जटिल समयमा नेतृत्व गर्नु भएका शर्माले पार्टीको मुल मर्म र उपस्थितिलाइ अझै मजबुत बनाउन कुनै कसर बाँकी राख्नु भएन ।
प्रदेशका ११ जिल्ला मध्य कास्की म्याग्दी लमजुङ मुस्ताङ र नवलपरासी पूर्वको जिल्ला समन्वय समितिमा सतप्रतिशत एमाले बिजयी भएको थियो । त्यस्तै स्याङ्जामा बहुमत एमालेको थियो । गोरखा जिल्लामा पुरै माओबादी प्यानल जिल्ला समन्वय समितिमा बिजयी भएको थियो भने बाँकी १० मध्ये ५ वटामा एमाले प्यानल र ५ वटा जिल्लामा एमालेको जिल्ला समन्वय समितिमा प्रतिनिधित्व थियो ।
गण्डकी प्रदेशसभामा नेकपा एमालेबाट 22 जना प्रदेशसभा सदस्य छन् भने प्रतिनिधिसभामा एमालेबाट ५ जना प्रतिनिधिसभा सदस्यहरु प्रत्यक्ष तर्फ निर्वाचित गराउन नवराज शर्मा सफल हुनुभएको थियो ।
नवराज शर्माको दुरदर्शीता र पार्टीका लागि गरेको योगदान हेर्दा उहाँको प्रतिभाको प्रयोगले नै पार्टीको भविष्यले उचाइ लिनेमा कार्यकर्ता विश्वस्त छन् । समान दृष्टी र कार्यकर्ताको योगदानको उच्च रुपमा कदर गर्न सक्ने नेताले नेतृत्प पाएको खण्डमा मात्रै पार्टीको भविष्य पनि सबल हुने देखिन्छ । पदका लागि खासै चासो नराख्ने शर्मा लामो समय सम्म पार्टीको संगठित सदस्य मात्रै रहेर पनि संगठन बिस्तार तथा पार्टीको भौतिक संरचना निर्माण जस्ता कार्यमा खट्ने गर्नुभएको थियो ।
यो पनि हेरौं ।
