चीनमा जारी एसियाडको क्रिकेट तर्फ नेपाल एम्पायरको गलत डिसिजनको सिकार बनेको छ । नेपाल र भारत बीचको खेलमा एम्पायरको गलत डिसिजनको शिकार नेपाल बनेको हो । नेपाली खेलाडीको क्याच हुने समयमा जमिनमा बल परि सकेको भए पनि त्यस्तो अवस्थालाइ पनि अम्पायरले नेपाली खेलाडीलाइ आउट गर्दा नेपाल जित नजिक पुगेर पनि चुकेको छ । एम्पायरले गरेको गलत डिसिजनको सिकार नेपाल भएको पक्का हो । ड्रप भएको क्याचलाइ पनि भेरिफाइ गरेर एम्पायरले भारतको पक्षमा निर्णय गरिदिँदा नेपाल पराजित हुन पुगेको छ ।
१९औं एसियाली खेलकुद (एसियाड) अन्तर्गत पुरुष क्रिकेटको क्वार्टरफाइनलमा नेपाल भारतसँग २३ रनले पराजित हुँदा क्रिकेटमा आउने पदकबाट चुकेको छ । चीनको हानजाउ स्थीत जेजियाङ युनिभर्सिटी अफ टेक्नोलोजी पिङफेङ क्रिकेट फिल्डमा मङ्गलबार जितका लागि दुई सय तीन (२०३) रनको लक्ष्य पछ्याएको नेपाल निर्धारित २० ओभरमा नौ विकेटको क्षतिमा एक सय ७९ रनमा समेटियो ।
नेपालका लागि दीपेन्द्र सिंह ऐरीले सर्वाधिक ३२ रन बनाउनुभयो । उहाँले १५ बलमा चार छक्काको सहयोगमा उक्त रन बनाउनुभएको हो । यस्तै कुशल मल्ल र सन्दीप जोराले समान २९/२९, ओपनर कुशल भुर्तेलले २८, करण केसीले अविजित १८, आशिफ शेखले १० र रोहित पौडेलले तीन रन बनाउनुभयो । सोमपाल कामी ७ र गुलशन झा ६ रनमा आउट हुनुभयो । सन्दीप लामिछाने लामिछाने ५ रन जोड्दै पेभेलियन फर्किनुभयो ।
बलिङमा भारतका रवि विस्नोई र आवेश खानले 3/3 विकेट लिनुभयो । अर्शदीप सिंहले 2 तथा सई किशोरल 1 विकेट लिनुभयो ।
यसअघि टस टिजेर पहिले ब्याटिङ गरेको भारतले निर्धारित २० ओभरमा चार विकेटको क्षतिमा दुई सय दुई (२०२) रन बनाएको थियो । भारतका लागि यशस्वी जैसवालले 100 रन बनाउनुभयो । उहाँले ४९ बलमा आठ चौका र सात छक्काको सहयोगमा 100 रन बनाउनुभएको हो । रिन्कु सिंहले अविजित ३७, कप्तान रुतुराज गायकवाडले २५ र शविम् दुवेले अविजित २५ रन बनाउनुभयो ।
बलिङमा नेपालका दीपेन्द्रसिंह ऐरीले 2 विकेट लिनुभयो । सोमपाल कामी, सन्दीप लामिछाने 1/1 विकेट लिनुभयो । नेपाली राष्ट्रिय पुरुष क्रिकेट टोलीले पहिलो पटक भारतसँग टी-२० अन्तर्राष्ट्रिय क्रिकेट खेलेको हो ।
एसियाड क्रिकेटको समूह चरणमा नेपालले पहिलो खेलमा मङ्गोलियामाथि दुई सय ७३ रनको विश्व कीर्तिमानी जित निकालेको थियो । दोस्रो खेलमा नेपालले माल्दिभ्सलाई एक सय ३८ रनले हराएको थियो ।
