कास्कीको पोखरा महानगरपालिका वडा नम्बर ९ स्थित सहारा बाल आधारभुत विद्यालय र पोखरा महानगरपालिका वडा नम्बर २९ को बसोबास बस्तीमा रहेको पटनेरी आधारभुत विद्यालयमा शक्ति समुहले ओ.यू.आर.को सहयोगमा मानब बेचबिखन तथा बाल यौनषोशणको बदलिदो स्वरुप तथा अनलाइनबाट हुन सक्ने बाल यौन शोषण विषयक अन्तरक्रिया गरेको छ ।
पछिल्लो समय बालबालिका माथि हुने यौन हिंसाको स्वरुप बदलिएको र त्यसबाट कसरी बालबालिकालाई जोगाउने भन्ने विषयमा जानकारी दिन आोजित कार्यक्रममा शिक्षक, विद्यार्थी, अभिभावक लगायतको सहभागिता रहको थियो । समय सँगै पछिल्लो समयमा हिंसाको स्वरुप फेरिदै गएको र अनलाइनबाट हुन सक्ने बालयौन शोषण विषयमा अन्तरक्रिया गरिएिको थियो ।
अन्तरक्रिया कार्यक्रममा २७ जना शिक्षकहरु, ४२ जना अभिभावहरु एवम् जनप्रतिनिधिहरुको पनि उपस्थिति रहेको थियो । गैरसरकारी संस्था शक्ति समुहले झण्डै तीन दशक देखि मानव बेचविखन विरुद्धको सवालमा कामगर्दै आइरहेको छ । मानव बेचबिखन तथा यौन हिंसा बिरुद्ध काम गर्ने शिलशिलामा पोखरा महानगर पालिकाका विभिन्न ८ वटा विद्यालयमा शैषिक सामग्री सहयोग गर्नुका साथै अन्तरक्रिया गर्दै पनि आएको शक्ति समूहकी गण्डकी प्रदेश प्रमुख सरिता पौडेलले जानकारी दिनुभयो ।
