हिमालपारीकाे जिल्ला मुस्ताङको सदरमुकाम रहेको घरपझोङ गाउँपालिकाका अध्यक्ष मोहनसिंह लालचन बिहीबार साँझ जुवा खेल्दै गर्दा पक्राउ परेका छन् । कास्की जिल्लाको पोखरा महानगरपालिका वडा नंं ८ को होटेल लक्ष्मीबाट लालचनसहित सात जनालाई प्रहरीले पक्राउ गरेको गोरखापत्र अनलाइनले समाचार प्रकाशन गरेको छ ।
गत स्थानीय तह निर्वाचनमा नेपाली कांग्रेसका तर्फबाट निर्वाचित भएका लालचन पहिचान खुल्ने डरले प्रहरीलाई मोहन थकाली भनेर नाम बताएको समारचारमा उल्लेख छ । जुवाको खालबाट गिरफ्तार गरिएका अध्यक्ष लालचन सहितका जुवाडेहरुबाट चार लाख ४७ हजार ८० रुपियाँ प्रहरीले बरामद गरेको गोरखापत्र अनलाइनमा समाचार छ । वडा प्रहरी कार्यालय बैदामका प्रमुख प्रहरी नायब उपरीक्षक वेदप्रकाश जोशीले पक्राउ परेका सबैलाई शुक्रवार म्याद थप गर्ने तयारी भएको जानकारी दिनुभयो ।
नेपाली कांग्रेसबाट घरपझोङ गाउँपालिका अध्यक्षमा निर्वाचित भएका लालचनसँग मुस्ताङ घोरपझोङकै ५७ वर्षीय इन्द्रबहादुर कार्की, नविप्रसाद थकाली, पोखराका शङ्कर ग्वारचन, गुन्ज हिराचन, राजु गुरुङ र लबहादुर हिराचन जुवाको खालबाट पक्राउ परेको प्रहरीले जनाएको छ । श्रोत : गोरखापत्र अनलाइन
