रिलायबल नेपाल लाइफ इन्स्योरेन्स लिमिटेडले धौलागिरी एरिया अन्तरगत शुक्रबार बागलुङ एवम् शनिबार बेनीमा उत्प्रेरणा तथा सम्मान कार्यक्रम सम्पन्न गरेको छ ।
कार्यक्रममा बोल्दै रिलायबल नेपाल लाइफका गण्डकी प्रदेश प्रमुख सरोज अधिकारीले समुन्नत जीवन जिउनका लागि बिमा अपरिहार्य भएको बताउनु भयो । उहाँले बिमाले आफ्नो सुरक्षा मात्रै नगरेर जोखिममा पनि सहयोगी हुने हुँदा बिमा क्षेत्रमा हरकोहीको सहभागिता हुनु पर्नेमा जोड दिनुभयो ।
कार्यक्रममा धौलागिरी एरिया म्यानेजर देवेन्द्र घिमिरेले रिलायबलले (HCB) हस्पिटल क्यास बेनीफिट दिने एक मात्रै नेपाली कम्पनी रहेको बताउनुभयो । उहाँले भन्नुभयो सबै प्रकारको क्यान्सरको उपचार, मृगौला फेलियर, प्राइमरी पल्मनरी आर्टेरीयल हाइपरटेन्सन, मल्टीपल स्लेरोसिस, अंग प्रत्यारोपण, मुटु, हृदयघात, पूर्ण दृष्टिबिहिन तथा दुर्घटना जस्ता जटिल समस्याको जोखिममा रिलायबल सारथी रही उपचारमा सघाउ पुर्याउने बताउनुभयो । एक्कासी हुन सक्ने दुर्घटना हुँदा सवारी साधनमा ‘क्युविक क्यापसिटि’ को लिमिटेसन नरहने कम्पनिले जनाएको छ । घटना वा दुर्घटनाबाट नभएरै कुनै रोगका कारण भएका अशक्ततालाइ पनि बिमा रकम बराबरको सुविधा दिने गरिएको घिमिरेले बताउनुभयाे ।
बेनी शाखाले असार एजेन्सी १२ जना, एजेन्सी म्यानेजर १३ जना, स्टार क्लब एचिभर ९ जना, धौलागिरी एरिया तर्फबाट एजेन्सी टिम डेपलबमा उत्कृष्ट कार्य गर्ने बिना खड्का, टप टिम बिजनेस गर्ने एसिन रोका र एमडीआरटी जमुना श्रीष थापालाइ सम्मान गरिएको थियो । जमुनालाइ मेघा स्टार अवार्डले समेत सम्मान गरिएको थियो । आर्थिक वर्ष २०७९/०८० मा उत्कृष्ट व्यवसाय गर्ने अभिकर्ताहरुलाइ बधाइ ज्ञापन गर्दै सम्मान गरिएको थियो ।
उत्प्रेरणा कार्यक्रममा बेनी शाखा अन्तरगतका अभिकर्ता तथा अन्य विधाका व्यक्तिहरुको सहभागिता रहेको रिलायबल लाइफका धौलागिरी एरिया म्यानेजर देवेन्द्र घिमिरेले बताउनुभयो ।
