अमृत बास्कुने
रिलायबल नेपाल लाइफ इन्स्योरेन्सको बागलुङ शाखा अन्तरगतकी जमुना श्रीस थापाले बीमा क्षेत्रमा लागेको छोटो अवधिमै बीमा क्षेत्रमा मिलियन डलर राउण्ड टेबल(एमडिआरटी) बन्न सफल हुनुभएको छ ।
बागलुङकी श्रीसले २०२३ को जनवरी देखि शुरु गरेर छोटो अवधिमा बिमा जगतमा एमडीआरटीका लागि आवश्यक लक्ष्य हासिल गर्नुभएको हो । उहाँले पाँच महिनाको अवधिमा ४२ लाख रुपैंया भन्दा बढी प्रथम बीमाशुल्क संकलन गरेर उक्त सफलता पाउनु भएको रिलायबल नेपाल लाइफ इन्स्योरेन्सका धौलागिरी एरिया म्यानेजर देवेन्द्र घिमिरेले बताउनुभयो ।
जमुनालाई कम्पनीले एक औपचारीक कार्यक्रमका बीच सम्मान गरिएको थियो । उक्त कार्यक्रममा रिलायबल नेपाल लाइफ इन्स्योरेन्सका केन्द्रीय कर्पोरेट प्रमुख शैलेन्द्र श्रेष्ठले बिमा जगतमा फरक पहिचान बनाउन सफल रिलायबल नेपाल लाइफ इन्स्योरेन्समा एमडिरारटी जमुना जस्तै उर्जावान सारथीहरुले हामीलाइ सफल बनाएको बताउनुभयो । राष्ट्र र राष्ट्रियताको पक्षमा लाग्ने हाम्रो कम्पनिले नेपाली राष्ट्रिय क्रिकेट टोलीको समेत निःशुल्क म्यादी बिमा गरेको उहाँको भनाइ थियो ।
गण्डकी प्रदेश प्रमुख सरोज अधिकारीले धौलागिरी क्षेत्रबाट राम्रो बिजनेस ल्याउन सफल भएकोमा बधाई दिँदै नेपाली विमा क्षेत्रमा ३४ प्रतिशत हिस्सा ओगटेको अवस्थाले नै कम्पनिको अवस्था उजागर गर्ने बताउनुभयो ।
उक्त कार्यक्रममा धौलागिरी एरियाका करोडपति एजेन्सी म्यानेजर यसिन रोका मगर तथा पोखराका त्रिपल एमडिआरटी मिन गुरुङलाई पनि सम्मान गरिएको रिलायबल नेपाल लाइफ इन्स्योरेन्सका धौलागिरी एरिया म्यानेजर घिमिरेले बताउनुभयो ।
