पोखरा । बाल अधिकार समितिका पदाधिकारीहरुका लागि २ दिने क्षमता अभिवृद्धि तालिम सुुम्पन्न भएको छ । गुड नेवर्स इन्टरनेशनल नेपाल (न्ल्क्ष्) को आर्थिक तथा प्राविधिक सहयोगमा नौलो घुम्ती नेपाल द्धारा संचालित एकीकृत सामुदायिक विकास परियोजनाको आयोजनामा २०८० जेष्ठ ५ र ६ मा राष्ट्रिय कृषि अनुसन्धान केन्द्रको हलमा संचालन भयो ।
अन्नपूर्ण गाउँपालिका, कास्की वडा नम्वर ४, ६ र ७ गठीत वडा स्तरीय बाल अधिकार समितिका १४ जना जनप्रतिनिधि, बालक्लव प्रतिनिधि, शिक्षक, अभिभावक, स्वास्थ्य कार्यकर्ता र वडा सचिव जस्ता पदाधिकारीहरुको सहभागितामा बाल अधिकारको पृष्टभूमी र बाल अधिकार, नेपालमाा बालबालिका सम्वन्धि विद्यमान कानून र संस्थागत संरचना, बाल संरक्षणमा सरोकारवालाहरु र उनीहरुको भूमिका र बाल संरक्षण र सवालहरु जस्ता महत्वपूर्ण विषयहरुमा छलफल तथा प्रशिक्षण भएको थियो ।
तालिमको समापन कार्यक्रमका प्रमुख अतिथि अन्नपूर्ण गाउँपालिकाका उपाध्यक्ष चन्द्रकला अधिकारीले पालिकालाई बालमैत्री स्थानीय शासन कायम गर्नका लागि घोषणा पत्रमा स्थानीय निकाय, नागरिक समाज तथा सरोकारवालहरुबाट सामुहित प्रतिवद्धता गरिएको र राष्ट्रिय बाल अधिकार परिषद्, गण्डकी प्रदेश, न्ल्क्ष्, नौलो घुम्ती नेपालसँगको सहकार्यमा २०८३ चैत्र मसान्तसम्म अन्नपूर्ण गाउँपालिकालाई बालमैत्री स्थानीय शासन कायम गराउने बताए । बालमैत्री स्थानीय शासन कायम गर्ने स्थानीय सरकारको आफ्नै जिम्मेवारी रहेको र यस अभियानलाई सहयोग गर्ने उद्देश्यले संचालन गरिएको तालिमका लागि सस्थालाई धन्यवाद ज्ञापन गरे ।
त्यस्तै गुड नेवर्स इन्टरनेशनल नेपालका प्रायोजन सेवा तथा बाल संरक्षण अधिकृत भिम तामाङले समुदायमा बाल अधिकार सुनिश्चित गर्न सम्बन्धित सरोकारवालाहरुको आधार स्तम्भ तयार पार्न सदैव तयार रहेको र प्रदान गरिएको तालिमले बाल अधिकार समितिका पदाधिकारीहरुले निर्वाह गर्ने भूमिका थप प्रभावकारी हुने कुरामा विश्वास व्यक्त गरे ।
सहजकर्ता राष्ट्रिय बाल अधिकार परिषद्, गण्डकी प्रदेशका समन्य अधिकृत बद्रीप्रसाद वाग्लेले दातृ निकाय, आयोजक र सहभागीहरु प्रति सहकार्यका लागि कृतज्ञता व्यक्त गर्दै बालमैत्री स्थानीय शासन कायम गर्न आवश्यक प्राविधिक सहयोगका लागि सदैव तयार रहेको बताए ।
तालिमका सहभागी मध्येबाट श्री तानचोक माझगाँउ आधारभूत विद्यालय, अन्नपूर्ण गाउँपालिका वडा नं ७ का प्रधानाध्यापक ताराप्रसाद गुरुङले तालिमले हामी सहभागीलाई बाल अधिकारका अभियन्ताको रुपमा पहिचान गराएको र कार्ययोजना अनुरुप समुदाय स्तरमा कर्तव्यनिष्ठ भई कार्यान्वयन गर्ने प्रतिवद्धता व्यक्त गरे ।
कार्यक्रमका सभाध्यक्ष नौलो घुम्ती नेपालका कार्यकारी निर्देशक अनेश गुरुङले पालिकासँगको सहकार्यमा संस्था सदैव तयार रहेको र समुदाय स्तरमा बालमैत्री स्थानीय शासन कायम गर्न आवश्यक सूचकहरु प्राप्तिका लागि पालिकासँग सहकार्य गर्ने प्रतिवद्धता व्यक्त गरे । साथै आगामी दिनहरुमा आवश्कता पहिचान गर्दै दातृ निकायसँगको समन्वयमा अन्नपूर्ण गाउँपालिकामा अन्य वडाहरुमा पनि आफ्नो कार्यक्षेत्र विस्तार गरिने जानकारी गराए ।
