महेश विश्वकर्मा/पोखरा । बालविकास सहजकर्ताहरुका लागि ३ दिने अभिभावक शिक्षा तालिम सुुम्पन्न भएको छ । गुड नेवर्स इन्टरनेशनल नेपालको आर्थिक तथा प्राविधिक सहयोगमा नौलो घुम्ती नेपाल, कास्की द्धारा संचालित एकीकृत सामुदायिक विकास परियोजनाको आयोजनामा जेष्ठ १ देखि तिन दिनसम्म संचालित तालिमको सहजिकरण सेतो गुँरास बालविकास केन्द्र, बाग्लुङका सहजकर्ता पम्फा खड्काले गरेका थिए ।
गुड नेवर्स इन्टरनेशनल नेपालको आर्थिक तथा प्राविधिक सहयोगमा नौलो घुम्ती नेपालको एकीकृत सामुदायिक विकास परियोजनाको आयोजनामा मादी गाउँपालिकाबाट १२, माछापुच्छ«े गाउँपालिका बाट ३ र अन्नपूर्ण गाउँपालिका बाट ५ गरी २० बालविकास केन्द्रका सहजकर्ताहरुको सहभागीतामा प्रारम्भिक बालविकासमा अभिभावक शिक्षाको आवश्यकता तथा महत्व, प्रारम्भिक बालबाविकासमा खेलको महत्व, स्थानीय सिकाइ सामग्रीको उपयोग र अभिभावकद्धारा सिकाइ सहजिकरण, असल अभिभावकीय सिप, घरमा आधारित सिकाइ क्रियाकलाप जस्ता विषयवस्तु लगायत आधुनिक प्रविधिबाट वालविकास केन्द्रमा शिक्षण सिकाई गर्ने अभ्यास आदि महत्वपूर्ण विषयहरुमा छलफल तथा प्रशिक्षण भएको थियो ।
तालिमको समापन कार्यक्रमका प्रमुख अतिथि मादी गाउँपालिकाका अध्यक्ष देवीजङ्ग गुरुङले प्रारम्भिक बालविकास सहजकर्ताहरु बालबालिकाको सर्वाङ्गिण विकासमा अहम भूमिका रहेको हुँदा यस तालिमबाट सिकेका कुराहरु समुदायमा संप्रेषण गर्नुहुन प्रेरित गर्नुका साथै सहजिकरणका लागि मादी गाउँपालिका सदैव तयार रहेको प्रतिवद्धता व्यक्त गर्दै पालिकासँगको समन्वयमा आवश्यकता पहिचान गरी तालिमको संचालन गरेकोमा आयोजक सस्थालाई धन्यवाद ज्ञापन गरे ।
त्यस्तै गुड नेवर्स इन्टरनेशनल नेपाल कास्की र पर्वत जिल्लाका परियोजना संयोजक मनकुमार राईले तालिम पश्चात बाल विकास केन्द्र भनेको परिवार, समुदाय तथा सिंगो देशको भविष्य निर्माणमा निर्णायक भुमिका खेल्ने जनशक्ति उप्तादनको प्रारम्भिक चरणको जिम्मेवारी भएको हुँदा तालिम बाट प्राप्त गरेको सीपहरुलाई व्यवहारमा उतार्न तथा आगामी दिनहरुमा पनि शैक्षिक गुणस्तर सुधार तथा पहुँच वृद्धि विकासको लागि संस्था सदैव समुदाय तथा सरकार संग साझेदार गर्न तत्पर रहेको जानकारी दिएका थिए ।
सहजकर्ता पम्फा खड्काले दातृ निकाय, आयोजक र सहभागीहरु प्रति सहकार्यका लागि कृतज्ञता व्यक्त गर्दै तालिम भनेको छोटो अवधीमा धेरै कुराहरुको लागी अभ्यास तथा मनन गर्ने माध्यम भएको हुनाले तालिमको दौरानमा सिकेको सिप तथा ज्ञानमा मात्र सिमित नभएर स्वःअध्ययन तथा कार्यान्वयनको माध्यमबाट शिक्षण सिकाई प्रभावकारी बनाउन शिक्षक तथा स्थानीय सरकारको भुमिका रहने वताइन ।
तालिमका सहभागी मध्येबाट श्री ज्ञानोदय आधारभूत विद्यालय, अन्नपूर्ण गाउँपालिका वडा नं ६ का बाल विकास केन्द्रका सहजकर्ता पुष्पा देवकोटाले अभिभावक शिक्षा तालिम अत्यन्तै फलदायी रहेको, नयाँ नयाँ विषय वस्तुको जानकारी आदान प्रदान भएका साथै अभिभावकीय सिपलाई कार्ययोजना अनुरुप समुदाय स्तरमा कर्तव्यनिष्ठ भई कार्यान्वयन गर्ने प्रतिवद्धता व्यक्त गरेका थिए ।
