विकाशानन्द फाउन्डेसन विश्वपरिवार सबैलाई सम्मान सबैलाई मुस्कानू भन्ने नाराका साथ चितवनमा रहनुहुने विश्व परिवारका सदस्यहरुले मनोक्रान्ती चोक हुँदै विभिन्न चोकमा मैनबत्ती बालेर मैनबत्तिकै मनोक्रान्ती लोगो बनाउदै मनोक्रान्तीको गित बजाउँदै बजार परिक्रमा गरेका थिए। यस सभामा प्रमुख भुमिका रेकी तथा योग मास्टर उमंग आनन्दले निर्वाह गर्नुभएको थियो साथै मनोक्रन्ती विश्वपरिवारको सम्बोधन पनि गर्नुभएको थियो। त्यसपछि साँझ बजे मैनबत्ती र्यालीको शुभारम्भ भएको थियो।
र्यालीमा चितवनको भोजाडमा रहेको मनोक्रान्ती केन्द्रकी संचालिका तथा रेकी मास्टर निर्मला पौडेल, सहारा घरकि संचालिका तथा अध्यक्ष कुसुम तिवारी र सहारा घरका छोरीहरुको समेत उपस्थिति रहेको थियो।
मनोक्रान्ती राष्ट्रिय अभियान अहिले विकाशानन्द फाउन्डेसन विश्व परिवार नाममा सामाजिक संस्थाको रूपमा नेपाल सरकारमा दर्ता भएको छ। आफ्नो लागि साधना, अरुको लागि सेवा मुल नारा बोकेको यस संस्थाको मुख्य उद्देश्य एक मान्छेले अर्को मान्छेलाई बिना भेदभाव बेसर्त सहयोग गर्नु हो। एक स्थानको वा देशको मान्छे अर्को स्थान वा देश जाँदा आफ्नो स्थान वा देशमा आएका विश्व परिवारलाई बेसर्त सहयोग गर्नु हो। अर्को शब्दमा देशको सीमा तोड्न नसके दिलको सीमा नाघेर एक मान्छेले अर्को मान्छेलाई आफ्नो परिवार झैं सघाउनु यस संस्थाको मुल उद्देश्य हो। हालसम्म तीन हजार भन्दा बढी यस संस्थामा सदस्यको रूपमा दर्ता भएका छन्। संस्थाको निस्शुल्क सदस्य भइ अरुबाट सहयोग लिन र आफुले सहयोग दिन पनि सकिन्छ ।
विगत ४२ वर्षदेखि देश, विदेशमा अनुसन्धान एवं गहतम साधना गराउँदै आउनुभएका मनोक्रान्ती अभियानका प्रवर्तक डा.योगी विकाशानन्दको उर्जा, आत्मज्ञान एवं अनुभवलाई विश्वव्यापी बनाउन विकाशानन्द फाउन्डेसन विश्व परिवार संस्थाको स्थापना गरिएको हो। योग, ध्यान, उर्जा चिकित्सा, जीवन दर्शन आदिको माध्यमबाट मानव मात्रको शारीरिक, मानसिक, सामाजिक एवं आध्यात्मिक उत्थान गर्ने यस संस्थाको प्रमुख उद्देश्य रहेको छ।
