मंगला गाउँपालिका स्तरीय तेश्रो राष्ट्रपति रनिङ शिल्डको उपाधि मंगला माविलाई

अमृत बास्कुने
मंगला गाउँपालिकाको आयोजनामा आयोजित अन्तर माध्यमिक विद्यालय स्तरीय तेश्रो राष्ट्रपति रनिङ शिल्ड, बिद्यालय स्तरीय खेलकुद प्रतियोगिताको उपाधि मंगला गाउँपालिका–२ को मंगला माध्यमिक विद्यालयले हात पारेको छ । मंगला गाउँपालिका–२, सहश्रधारा स्थित मालिका युवा क्बलको खेलमैदान र मंगला माध्यमिक विद्यालयको प्राङ्गणमा तीन दिन सम्म चलेको प्रतियोगितामा १४ स्वर्ण, ३ रजत र २ कास्य सहित मंगला माविले उपाधि हात पारेको हो ।
प्रतियोगितामा ७ स्वर्ण, ५ रजत र ५ कास्य सहित महेन्द्र रत्न माध्यमिक विद्यालय मंगला गाउँपालिका–३, बरंजा दोश्रो र ५ स्वर्ण, २ रजत र ३ कास्य सहित डनिङ बोर्डिङ स्कुल, बाबियाचौरले तेश्रो स्थान हासिल गरेको मंगला गाउँपालिकाका एमआईएस अपरेट लेकनाथ सापकोटाले बताउनुभयो ।
१० वटा विद्यालयले सहभागिता जनाएको उक्त प्रतियोगितामा मंगला गाउँपालिका–४ थर्पुगाउँ बरंजाको महेन्द्र रत्न आधारभूत विद्यालय पदक विहिन भएको छ भने अन्य सबै बिद्यालयले पदक हात पारेका छन् ।
३० स्वर्ण पदकका लागि भएको प्रतियोगितामा मंगला माध्यमिक विद्यालयले १४, महेन्द्र रत्न माविले ७, डनिङ बोर्डिङले ५, राष्ट्रिय जनजागृति मावि पूर्णगाउँले ३, दिपशिखा मावि कुहुँले १ स्वर्ण पदक हात पारेका थिए । त्यस्तै दिपशिखा माविले ८, शारदा मावि छिस्वाङ र महेन्द्र रत्न माविले ५÷५ राजजा मावि पूर्णगाउँले ४, शिशुकल्याण मावि अर्मन र मंगला माविले ३÷३ एवम् डनिङ बोर्डिङले २ रजत पदक हात पारेका छन् । त्यसैगरी दिपशिखा माविले ७, राजजामाविले ६, महेन्द्ररत्न माविले ५, डनिङ बोर्डीङले ३, मंगला मावि, त्रिभुवन मंगला मावि ¥यालेखोर, शिशुकल्याण मावि अर्मन र शारदा मावि छिस्वाङले दुई÷दुई र शिद्धशान्ति मावि हिदीले एक कास्य पदक हात पारेका छन् ।
प्रतियोगितामा प्रथमलाइ ५० हजार, दोश्रोलाइ ३० हजार र तेश्रोलाई २० हजार रुपियाँ नगद सहित ट्रफि मेडल र प्रमाणपत्र पुरस्कार प्रदान गरिएको मंगला गाउँपालिकाका प्रमुख प्रशासकिय अधिकृत पूर्णबहादुर खत्रीले बताउनुभयो ।