महिला साफ च्याम्पियनसिप फुटबलका लागि भुटानको राष्ट्रिय टोली आज (बिहीबार) नेपाल आइपुगेको छ ।
च्याम्पियनसिपमा भाग लिन भुटानको राष्ट्रिय टोली आज बिहान ९ बजे ड्रुक एयरलाइन्सको विमानबाट त्रिभुवन अन्तर्राष्ट्रिय विमानस्थलमा अवतरण गरेको हो ।
नेपाल आइपुगेको भुटानको राष्ट्रिय महिला टोलीलाई अखिल नेपाल फुटबल संघी केन्द्रिय सदस्य सरिला श्रेष्ठ लगायतले स्वागत गरेका थिए ।
यससँगै यो पटकको साफका लागि भुटान पहिलो टोलीको रुपमा नेपाल आएको हो ।
साफका लागि भुटान नेपाल र श्रीलंकासँगै समूह ‘बी’ मा रहेको छ ।
च्याम्पियनसिप भदौ २१ देखि असोज ३ गतेसम्म काठमाण्डौंको दशरथ रंगशालामा हुँदैछ ।
यो पटकको महिला साफमा ७ राष्ट्रले सहभागिता जनाउने तय भएको थियो । तर पछिल्लो समय भारतीय फुटबल महासंघलाई फिफाले प्रतिबन्ध लगाएसँगै महिला साफमा भारतको सहभागिता अनिश्चित बनेको छ ।
सहभागि टोलीलाई २ समूहमा विभाजन गरिएको छ । भारतले नखेल्ने भएसँगै समूह ‘ए’ मा बगलादेश, माल्दिभ्स र पाकिस्तान रहनेछ । साफले महिला साफको नयाँ खेल तालिका सार्वजनिक गर्न बाँकी छ ।
