जात्रा : दोस्रो हप्ता पनि हाउसफूल

बागलुङ, ८ मंसिर – प्रदिप भट्टराईको निर्देशनमा बनेको सिनेमा जात्राले एक हप्तामा एक करोड पच्चिस लाखको ग्रस कलेक्शन गरेको छ । सिनेमा हेरेर दर्शकले दिएको प्रतिकृया र माया देखेर अहिले निर्माता निर्देशक देखि कलाकारहरु पनि निकै उत्साहित भएका छन् ।
उनीहरु यहि उत्साहका साथ दोस्रो हप्ता सिनेमाको प्रमोशनको लागि काठमाण्डौ बाहिर गएका छन् । रिलिज हुनुभन्दा पहिले काठमाण्डौमा प्रमोशन गरेको जात्रा टोली अहिले भ्याली बाहिरका केही शहरहरुमा प्रमोशन गर्दै हिँडिरहेको छ ।
यस बारेमा बोल्दै निर्देशक प्रदिप भट्टाई भन्छन्– “भ्याली बाहिरबाट हामीलाई प्रमोशनको लागि आउनु पर्यो भन्दै फोन म्यासेजहरु आए । अनि हामी दर्शकले दिनुभएको मायालाई सम्मान गर्दै भ्याली बाहिरका केही शहरहरुमा प्रमोशन गर्न हिँडेका छौँ । हाम्रो यो यात्रा देशका बिभिन्न शहरहरुमा पुग्ने छ । आज हामी चितवनमा छौँ । त्यसपछि हामी बुटवल जान्छौँ अनि पाल्पा र पोखरा र हेटौँडा हुँदै पुर्व पस्छौं ।”
दोस्रो हप्ता पनि हाउसफूल छ जात्रा
पहिलो हप्तामा करोड भन्दा माथिको ग्रस कलेक्शन गरेको जात्रा दोस्रो हप्ता पनि हाउसफूल छ । काठमाण्डौका प्राय हलहरु जात्राले नै कब्जा गरेको छ भने भ्याली बाहिरपनि जात्राको क्रेज निकै राम्रो देखिएको छ । बिहान भन्दा पनि दिउँसो तीन बजेपछि हलहरु हाउसफूल भएको निर्देशकले जानकारी दिएका छन् । पहिलो साता भन्दा दोस्रो साता फिल्मको ब्यापार राम्रो हुनेमा निर्माण टोली ढुक्क छ । यो फिल्ममा विपिन कार्की, बर्षा राउत, रविन्द्रसिंह बानिया, रविन्द्र झा लगायतका कलाकारहरुको अभिनय छ ।
हरिवंशले दिए बधाई
नेपाली हास्य क्षेत्रका अविभावक हरिवंश आचार्य कार्यक्रम र पारीवारिक घुमघामको क्रममा ३ साता अमेरिकाको बसाई पछि हिजो नेपाल फर्किए । हरिवंश त्रिभुवन विमानस्थलबाट सिधै जय नेपाल हलमा जात्राको टिमलाई बधाई दिन पुगेका थिए ।