म्याग्दी । बेनी नगरपालिकाको मेयरमा नेकपा एमालेबाट सुरत केसी उम्मेदवार बनाउने निर्णय गरेको छ। गण्डकी प्रदेश कमिटीको बैठकले केसीलाई बेनीको मेयरको उम्मेदवार चयन गर्ने निर्णय गरेको हो ।म्याग्दी जिल्लाको एक मात्र नगरपालिका बेनी नगरपालिका उम्मेदवार छनोट गर्न नगर कमिटी, जिल्ला कमिटी हुदैँ प्रदेश कमिटीले मात्र आज बिहानको बैठकले टुङ्गो लगाएको हो।
केसी नेकपा एमाले म्याग्दीका सचिव हुनुहुन्छ । मेयरका लागि एमाले नगर कमिटीले ४ जनाको नाम जिल्ला कमिटीमा पठाएको थियो ।
त्यस्तै उपमेयरको उम्मेदवारको टिकट पशुपति शाहीले दिने निर्णय गरेको छ ।
चारैजना उम्मेदवार सवल र योग्य देखिएपछि एमालेलाई टुङ्गो लगाउन सकस परेको थियो । विभिन्न प्राकृतिक प्रकोप तथा विपदको समयमा जिल्लाका नागरिकहरुको सेवामा समर्पित केसीलाई मेयरको उम्मेदवार बनाउन सामाजिक सञ्जालहरुमा समेत प्रतिक्रिया आइरहेका थिए ।
समाज सेवा मार्फत जनतामाझ लोकप्रीय बेनका केसीले कोरोनाको समयमा सव व्यवस्थापन देखि लिएर कोराना संक्रमितको व्यवस्थापनमा समेत उल्लेख्य भूमिका निभाउनुभएको थियो । मेयरका लागि नगरबासीले इच्छाएका उम्मेदवारमा केसी पर्नुहुन्छ
