तिलक वि.क./जीवन गोतामे, जाेमसोम, मुस्ताङ
मुस्ताङमा गत पौष २० गते विपद न्युनिकरण सम्वन्धी २ दिने समन्वयात्मक कार्यक्रम सम्पन्न भएको छ । जिल्ला विपद व्यवस्थापन तथा न्यूनिकरण समितिका अध्यक्ष प्रमुख जिल्ला अधिकारी नेत्र प्रसाद शर्माको अध्यक्षतामा बसेको उक्त बृहत बैठक (कार्यक्रम)मा जिल्ला स्थित सुरक्षा निकाय प्रमुख, सरोकारवाला कार्यालय प्रमुख , गाउँपालिका प्रमुख, जिल्ला समन्वय उपप्रमुख एवं प्रतिनिधी, रेडक्रस, जिल्ला स्थित विभिन्न राजनैतिक दलका प्रमुख एवं प्रतितिधि, गैरसरकारी संघ संस्था, उद्योग वाणिज्य संघ, यातायात व्यवसायी कम्पनी प्रतिनिधि पत्रकार लगाएत सरोकारवालाको सहभागिता रहेको थियो ।
उक्त कार्यक्रममा जिल्लामा घट्न सक्ने सबै प्रकारको विपदको पूर्वानुमान पश्चात न्यूनिकरणको उपायहरु अवलम्बन गर्न श्रोत साधन के हुन ? कति छन सम्बन्धित सरोकारवाला कार्यालयहरुमा विपद न्यूनिकरण सम्बन्धी बजेट कार्यक्रम के के छन र उक्त कार्यक्रम कार्यन्वयन गर्नलाई नितिगत अप्थेराहरु के के हुन सक्छन र नितिगत समस्यालाई कसरी समाधान गरी जिल्लामा एकिकृत विपद न्यूनिकरण उद्धार योजना बनाउन सकिन्छ भन्ने विषयमा बृहत छलफल र निर्णय लिई तयारी अवस्थामा रहन लाई बैठकको आयोजना गरिएको प्रमुख जिल्ला अधिकारी शर्माले जानकारी दिए ।
उक्त बैठकमा घरपझोङ गाउँपालिकाका अध्यक्ष आस बहादुर थकालीले जिल्लामा हाल हिमपातको समय रहेको र हिमपातबाट उत्पन्न हुन सक्ने विपदलाई मध्येनजर गर्दै सुरक्षा निकाय लगाएत जिल्लामा सरोकावाला निकायहरुको समन्वयमा विपद न्यूनिकरण गर्ने उपाय अवलम्वन गर्न सचेत गराउने र भइहालेमा सबै एकजुट भई स्रोत साधनलाई एकिकृत गरी उद्धार कार्यमा लाग्नलाई आजको बैैठक फलदायी हुने विश्वास व्यक्त गरे ।
उक्त बैठकमा बज्रदल गणका गणपति श्याम आत्रेय पौडेलले आईपर्ने विपद न्यूनिकरण व्यवस्थापन र उद्धार, समग्र उदेश्य, मार्ग दर्शन, कानूनी प्रावधान लगाएतका विषय साथै दोस्रो दिन सञ्चालन हुने (Tabeletop)अभ्यास विपद भइ हालेमा उद्धारका विभिन्न चरणहरुको अभ्यासको बारेमा जानकारी गराए ।
यसै गरी जिल्ला प्रहरी कार्यालय निमित्त कार्यालय प्रमुख इन्सपेक्टर प्रताप पौडेल र सशस्त्र प्रहरी वल सिमा सुरक्षा गुल्मका गुल्मपति मोहन जंग कार्कीले आफ्नो कार्यालयमा रहेका दक्ष जनशक्ति, श्रोत साधन उद्धार प्रकृयाको विषयमा सहजीकरण गरेका थिए । भने अन्य सडक, नागरिक उड्यान, खानेपानी, स्वास्थ्य, अस्पताल, खाद्य , रेडक्रस लगाएत सरोकारवाला कार्यालय प्रमुख एवं प्रतिनिधिले पनि आफ्ना स्रोत साधनको अवस्था र गर्न सकिने कार्यको बारेमा सहजीकरण गरेका थिए ।
यसै गरी ने.क.पा एमालेका जिल्ला कमिटी सदस्य तिलक वि.क. ले सन २०१४ को थ्रोङला हिमाल सर्किटमा (हुत हुत) हिमपातमा फसेका स्वदेशी÷विदेशी पदयात्री र म्याग्दी मुस्ताङको सीमानाको धौलागिरी हिमालको साइडको सोलीघोप्टे डाडामा भएको जहाज दुर्घटनाको उद्धार कार्यमा नेपाली सेना र उच्चशिखर शिक्षालयले गरेको अविस्मरणीय उद्धारको स्मरण गर्दै नेपाली सेनाको उच्च शिखर शिक्षालय जस्तो राष्ट्रिय अन्तराष्ट्रिय स्तरको सुविधा सम्पन्न ट्रेनिङ स्कुल रहेकोमा मुस्ताङ बासीले विपद उद्धार कार्यमा लाभ लिई रहेको र आगामी दिनहरुमा पनि आइपर्ने विपदमा सि.डि.यो को नेतृत्वमा हुने समितिको मात्र होईन यो हामी मुस्ताङ बासी जनता नै जागरुक भई सम्बन्धित सरकारवाला सँग समन्वय गरी विपद प्रतिकार गर्न लाग्नु पर्ने र यस कार्यको सहजिकरण र अगुवाई गर्न आफ्नो दल ने.क.पा एमाले सधै जनताको साथमा रही काम गर्ने प्रतिवद्धता व्यक्त गरे ।
दास्रो दिन पौष २१ गते जिल्ला खेलकुदको खेल मैदानमा नेपाली सेना द्धारा नेपाल प्रहरी, सशस्त्र प्रहरी, जिल्ला स्वास्थ्य कार्यालय लगाएतको सहयोगमा हिम पहिरो जाँदा गरीने उद्धार, खाना पकाउने ग्यास सिलिण्डर आगो लाग्दा अपनाउनुपर्ने सावधानीका उपायहरु, जनचेतना मूलक डेमो अभ्यास गरिएको थियो । साथै सोही स्थानमा जिल्लामा भुकम्प गई पुलहरु भत्किएको तथा हिम पहिरो, विद्युत सर्ट, भुकम्प गएको, आगो लागि भएको अवस्था परिकल्पना गरी हिम पहिरोबाट रेस्क्यु र वस्तीमा आगो लागिमा (Fire fighting drill) तथा विरामीहरुलाई रोप (डोरी)को माध्यमद्धारा कालीगण्डकी नदिपार गरी (रोप रेस्क्यु) अस्पताल पठाईएको कार्यको नमूना अभ्यास गराईएको थियो ।
उक्त कार्यक्रममा नेपाली सेना २३ नं वाहिनी जोमसोमका महासेनानी लक्ष्मण थापाको विशेष उपस्थिती र समन्वयात्मक प्राविधिक निर्देशन रहेको थियो । भने प्रथम दिनको बैठक सहायक प्रमुख जिल्ला अधिकारी रामचन्द्र ढकाल र दोस्रो दिनको कार्यक्रम सैनिक उच्च शिखर शिक्षालयका सेनानी मुरारी सापकोटाले संञ्चालन गरेका थिए ।
