नेपाली कांग्रेस मुस्ताङका सभापति एवम् पूर्व मन्त्री रोमी गौचन थकालीलाई कारवाही गर्नका लागि माग गर्दै मुस्ताङको थासाङ गाउँपालिका ३ लेते कालोपानीका ६८ वर्षिय नरसिंह शेरचनले जिल्ला प्रशासन कार्यालय मुस्ताङमा उजुरी दिएका छन् ।
कांग्रेस सभापति गौचनले आफू र अन्य गाउँलेहरुलाइ समेत अभद्र व्यवहार गर्ने र कुटपीटको हेतुले आक्रामक हुने गरेको भन्दै आफ्नो जिउ धनको सुरक्षाको माग गर्दै जिल्ला प्रशासन कार्यालय मुस्ताङमा पुस ११ गते उजुरी दिएका हुन् ।
जिल्ला प्रशासन कार्यालय मुस्ताङका प्रमुख जिल्ला अधिकारी नेत्रप्रसाद शर्माले उजुरी परेको पुष्टि गरेका छन् । प्रजिअ शर्माले उजुरी परेको र समस्या समाधानका लागि प्रयास गरीएको बताएका छन् ।
शेरचनले गाउँमा भएको बैठकमा आफ्नो पार्टीका कार्यकर्ताहरुलाइ एमाले प्रवेश गराएर गाउँमा अराजकता फैलाएको आरोप लगाउँदै कुटपीट गर्ने मनसायले आफू माथि जाइ लागेको भए पनि आफूले संयमता अपनाएर त्यस बखत जोगिएको भएपनि अन्य कुनै पनि समय पुन यस्ता घटना हुन सक्ने र आफ्नो जिउधनलाइ क्षती पुग्न सक्ने भन्दै जिल्ला प्रशासनमा उजुरी दिएका छन् ।
कांग्रेस सभापति गौचनले मुस्ताङको लेतेमा रहेको धौलागिरी प्राविधिक शिक्षालयका प्रिन्सीपललाइ समेत गत २०७८ असोज २० गते कालोपानी गेष्ट हाउसमा बोलाएर आफूले भनेजसरी काम गर्न दबाब दिएको समेत नरसिंह शेरचनले प्रशासनमा दिएको उजुरीमा उल्लेख छ ।
मुस्ताङका नेपाली कांग्रेस सभापति बिरुद्ध जिल्ला प्रशासनमा उजुरी
