साईप्रस
प्रवासी नेपाली मञ्च संयुक्त अधिराज्य बेलायतले सम्माननीय प्रधानमन्त्री शेर बहादुर देउवालाई जलवायु परिवर्तन सम्बन्धी २६ औं राष्ट्रिय सम्मेलन Cop26 बेलायत आएको अवसर मितिः ३० अक्टोवर २०२१ भेटेर पत्र मार्फत ध्यानाआकर्षण गएका छन्। गैर आवासीय नेपाली संघ जस्तो गैरराजनितिक गैर नाफा मुलुक संस्थालाई नेपाल सरकार परराष्ट्र।मन्त्रालयले हस्तक्षेप गरि प्रवासमा रहेको नेपालीको अधिकार माथि हनन् गरे सचेत गराएका छन् साथै नेपाल सरकार परराष्ट्र मन्त्रालयको अनावश्यक हस्तक्षेपबाट एनआरएनएको गति र अस्तित्व नै समाप्त हुने परिस्थिति खडा भएको भन्दै चिन्ता समेत व्यक्त गरेका छन। गैरआवासीय नेपाली संघ माथि नेपाल सरकारले गरेको यस खालको गैरजिम्मेवारपूर्ण हस्तक्षेपप्रति असहमत जाहेर गर्छौं र यस्तो हस्तक्षेप तुरुन्त अन्त्य गरियोस् भन्ने अनुरोध गर्दछौं ।’
परराष्ट्रको कारणले एनआरएनएको चुनाव ६ पछि जानुमा सम्पुर्ण जिम्मावारी परराष्ट्रले लिनु पर्ने समेत सचेत गराएका छन्।निर्वाचन प्रक्रिया स्थगित हुनुको प्रमुख कारणले एनआरएनलाई हेर्ने दृष्टिकोण र जन विश्वास समेत गुमेको प्रति समेत सचेत गराएका छन्।
उक्त भेटमा प्रधानमन्त्री देउवालाई मञ्चका अध्यक्ष सुरेश थपलिया र महासचिव सुरेशजंग शाहद्दारा संयुत हस्ताक्षरित पत्र मार्फत ४ बुढे ध्यानाकार्षण पत्र समेत बुझाएका मञ्चका महासचिव सुरेशजंग शाहले ईरुप्सेलाई जानकारी गराउनु भएको थियो।
मितिः ३० अक्टोवर २०२१
सम्माननीय प्रधानमन्त्री शेरबहादुर देउवा ज्यू
भ्रमणमुकाम लण्डन, बेलायत ।
विषयः ध्यानाकर्षण–पत्र ।
सम्माननीय प्रधानमन्त्री ज्यू,
जलवायु परिवर्तन सम्बन्धी २६ औं अन्तर्राष्ट्रिय सम्मेलन COP26 मा तपाई सम्माननीय प्रधानमन्त्रीको सहभागिताले नेपालको अन्तर्राष्ट्रिय सुसम्बन्ध विकास र सम्मेलनको उद्देश्य समृद्ध गर्नमा महत्वपूर्ण योगदान पु¥याउन सफल रहोस् भन्ने कामना गर्दछौ । रोजगारीको सिलसिलामा प्रवासमा रहेका आम नेपाली जनसमाजले उठाउँदै आएका निम्न मागहरु नेपाल सरकारबाट अविलम्ब समाधानका लागि पहल होस् भन्ने जोडदार माग गर्दै बेलायतस्थित आम नेपाली जनसमाजको तर्फबाट प्रवासी नेपाली मञ्चद्वारा सम्माननीय प्रधानमन्त्रीज्यूको ध्यानाकर्षण गराउँदछौ ।
१. नेपाली नागरिकताको निरन्तरताको माग प्रवासमा रोजिरोटीको क्रममा बस्नु परेका नेपाली नागरिकहरुको नैसर्गिक अधिकारको माग भएकोले नेपाल सरकारले नेपाली नागरिकताको निरन्तरतालाई अविलम्ब सम्बोधन गरी आफ्ना नेपाली नागरिकहरुको अधिकारलाई संरक्षण र उनीहरुको आयआर्जन, ज्ञान, सीप र सौजन्यता नेपालको समृद्धिमा उपयोग गर्न पहल गरोस् भन्ने माग गर्दछौ ।
२. भुतपुर्व गोर्खा सैनिकहरुले उठाईआएका समान पेन्सन लगायतका मागहरु समाधानका लागि नेपाल सरकारको तर्फबाट बेलायत सरकारसंग दुई पक्षीय वार्ता गरी अविलम्ब समाधान गर्न नेपाल सरकारको तर्फबाट जोडदार पहल गरियोस् भन्ने माग गर्दछौं ।
३. नेपालमा हुन लागिरहेको आम निर्वाचनमा प्रवासमा रहेका नेपाली नागरिकहरुले नेपाली राजदूतावास मार्फत मतदान गर्न पाउने व्यवस्था मिलाउन नेपालको सर्वोच्च अदालतले समेत निर्णय गरिसकेको अवस्था भएकोले यसको अविलम्ब कार्यन्वयन होस् भन्ने माग गर्दछौ ।
४. गैरआवासीय नेपाली संघ, बिदेशमा बस्ने नेपालीहरुको गैरराजनीतिक, गैरधार्मिक, गैरनाफामुलक र स्वतन्त्र साझा संस्था हो । यस संस्थालाई आफ्नै विधि, विधान, नियम र परम्परा अनुसार स्वतन्त्र तरिकाले सञ्चालन हुन दिनुपर्दछ । भर्खरै नेपाल सरकारको परराष्ट्र मन्त्रालयको अनावश्यक हस्तक्षेपबाट यस संस्थाको गति र अस्तित्वलाई नै समाप्त पार्ने हो कि भन्ने परिस्थिती खडा भएको छ । हामी गैरआवासीय नेपाली संघ माथि नेपाल सरकारले गरेको यसखालको गैरजिम्मेवारपूर्ण हस्तक्षेपप्रति असहमत जाहेर गर्छौ र यस्तो हस्तक्षेप तुरुन्त अन्त्य गरियोस् भन्ने अनुरोध गदैछौं ।
सम्माननीय प्रधानमन्त्री ज्यूको बेलायत भ्रमण सुखमय र सफल रहोस् भन्ने सदिच्छा सहित ।
सुरेन्द्र थपलिया सुरेजजंग शाह
अध्यक्ष महासचिव
