सहकारी नीति भित्र बाँधीएर बस्नु पर्छ : अध्यक्ष कार्की

राज्यभर रहेका सहकारी संस्थाहरु आफैले निर्माण गरेका नीतिमा बाँधीएर सदस्यको हितमा काम गर्नु पर्ने बेनीमा आयोजित एक कार्यक्रममा बताइएको छ ।
उक्त कुरा जिल्ला सहकारी संघ म्याग्दीका अध्यक्ष प्रेमबहादुर कार्कीले युनिक बचत तथा ऋण सहकारी संस्थाको १५ औं वार्षिक साधारणसभामा बताएका हुन् । कार्कीले सहकारी मार्फत सहकारीता मात्रै नभएर स्वाभिमान र राष्टियता पनि जोगाउनका लागि सबैले पहलकदमी चाल्नु पर्ने बताए । संस्थाको साधारणसभाको अवसरमा प्रमुख आतिथ्यताको मन्तव्यका क्रमम कार्कीले भन्नुभयो एक अर्का सहकारीहरु बिचमा अस्वस्थ प्रतिस्पर्धा हुन नहुने बताउनुभयो ।
कसैलाइ ऋण लगानी गर्नका लागि ब्याजदर तथा अन्य प्रसंगमा निहित केही स्वार्थ देखिनेकाम हुँदा सहकारीहरु आफै समस्यामा फस्ने गरेको कार्कीको भनाई थियो ।
कार्यक्रममा युनिक बचत तथा ऋण सहकारी संस्थाका अध्यक्ष ठाकुर प्रसाद शर्मा, लेखा समिति संयोजक अमृत बास्कुनेलगायतले बोल्नु भएको थियो ।