म्याग्दी प्रवासी नेपाली संघ (मोना) को चौथो महाधिवेशन मंगलबार बेनीमा सुरू भएको छ । बुधबारसम्म संचालन हुने महाअधिवेशन सुरू हुनुभन्दा अघि बेनी बजारमामा झाँकि र वाजागाजा सहित र्याली निकालिएको थियो ।
बैदेशिक रोजगारीका शिलशिलामा बिश्वका विभिन्न देशमा छरिएर रहेका म्याग्देलीहरूको साझा संस्था म्याग्दी प्रवासी नेपाली संघ (मोना) अन्तर्राष्ट्रिय कार्यकारि समितिको नयाँ नेतृत्व चयनका लागि अधिवेशन शुरुभएको हो । जिल्ला समन्वय समितिको सभाहलमा सुरु महाधिवेशनको उद्घाटन नेकपा एमालेका तर्फबाट म्याग्दीबाट प्रतिनिधि सभामा निर्वाचित भुपेन्द्रबहादुर थापाले गरेका हुन् । भौतिक र भर्चुअलबाट बिश्वका २० देशका २६१ जना प्रतिनिधिले सहभागिता जनाएको महासचिव विक्रम कार्कील जानकारी दिएका छन् ।
महाधिवेशनबाट मोनाको आगामी दुई बर्षे कार्यकालको लागी नयाँ नेतृत्व नयन गरिने मोनाका अध्यक्ष ओमनारायण जुग्जालीले बताए । सम्मेलनमा चर्चित कलाकार कुमार पुन, नेशन पुन लगायतका स्थानीय कलाकारको प्रस्तुती हुने देखाउने छन्।
आगमी नेतृत्वको दावी गर्दै मोना समितिका वर्तमान वरिष्ठ उपाध्यक्ष मीम पुर्जा, उपाध्यक्ष अमर छन्त्याल र महासचिव विक्रम कार्की सहित तीन जनाले अध्यक्ष पदको उम्मेदवारी दर्ता गरेको निर्वाचन मण्डलका संयोजक सुवाष श्रेष्ठले जानकारी दिए । पुर्जा नेदरल्याण्ड,छन्त्याल अमेरिका र कार्की कतारमा बसोबास गर्छन ।
मोना आईसीसीको जिल्लाको आर्थिक, सामाजिक र मानविय सेवामा महत्वपूणर् योगदान रहदै आएको छ। महाधिवेशनमा मोनाले गरेका गतिविधि समेटिएको कितावको विमोचन गरिएको थियो । कोरलापोष्ट डटकमको सहयोगमा
