कोभिड–१९ ले विश्वलाई तहस नसह बनाएको बेला आपतमा परेका नागरिकहरुलाई राहत र उद्धारका लागि क्वीक रश्क्यु फोर्सले आफ्नो सक्रियतालाई बढायो । जलजला गाउँपालिका पर्वतमा दिलीप बरुवालको नेतृत्वमा गठित क्वीक रेश्क्यु फोर्सले गाउँपालिकाको सबै वडामा राहत र उद्धारमा आफ्नो सक्रियता बढाएको छ । कोभिड–१९ को पहिलो लहरमा गत वर्ष पनि सक्रिय रुपमा लागेको फोर्सले यस वर्ष दोश्रो लहरमा पनि निकै उत्कृष्ट तबरले कार्य गरेको छ । फोर्सले गाउँपालिकाको सबै वडामा बिरामीको उद्धार, आर्थिक अवस्था कमजोर भएकालाई खाद्यान्न उपलब्ध गराउनुका साथै स्वास्थ्य सामग्री समेत प्रदान गरेको छ । गाउँपालिका भित्रका जो कसैले पनि समस्या भएको जानकारी पाउन साथ तत्काल रेस्पोन्स गर्नका लागि नै क्वीक रेश्क्यु फोर्स बनाइएको र क्वीक रुपमा रेस्पोन्स गर्ने गरिएको नै छ ।
फोर्सले जलजला गाउँपालिकाको वडा नम्बर १ मा दिनेश कार्की तथा विकास गिरीको संयोजनमा १० जना बिरामीको उद्धार गरेको छ । त्यस्तै विपन्न ५ परिवारलाई खाद्यान्न राहत उपलब्ध गराएको छ । क्वीक रेश्क्यु फोर्सका संयोजक दिलीप बरुवालका अनुसार वडा अध्यक्ष तुलसी रेग्मी सँगको समन्वयमा आवश्यकताका आधारमा राहत वितरण गर्नुका साथै निर्घरोगीहरुका लागि औषधि पु¥याउने काम समेत भएको छ ।
त्यस्तै जलजला गाउँपालिकाको वडा नम्बर २ मा भीमसेन बराईली, प्रकाश जिसी तथा रामबहादुर विश्वकर्माको अगुवाईमा १९ जना बिरामीको उद्धार गरेको छ । त्यस्तै विपन्न १९ परिवारलाई खाद्यान्न राहत उपलब्ध गराएको छ । वडा भित्र आवश्कता देखिएका परिवारलाई स्वास्थ्य सामग्री समेत उपलब्ध गराईएको छ ।
त्यस्तै जलजला गाउँपालिकाको वडा नम्बर ३ मा महेन्द्र रेग्मी, जनक अधिकारीको अगुवाईमा १५ जना बिरामीको उद्धार गरेको छ । त्यस्तै विपन्न १० परिवारलाई खाद्यान्न राहत उपलब्ध गराएको छ । वडा भित्र आवश्कता देखिएका परिवारलाई स्वास्थ्य सामग्री समेत उपलब्ध गराईएको छ ।
त्यस्तै जलजला गाउँपालिकाको वडा नम्बर ४ मा बाबुराम कार्की, भरत खत्री तथा सुजल गिरीको अगुवाईमा २७ जना बिरामीको उद्धार गरेको छ । त्यस्तै विपन्न २५ परिवारलाई खाद्यान्न राहत उपलब्ध गराएको छ । वडा भित्र आवश्कता देखिएका परिवारलाई स्वास्थ्य सामग्री समेत उपलब्ध गराईएको छ ।
त्यस्तै जलजला गाउँपालिकाको वडा नम्बर ५ मा कृष्ण पौडेल, पुर्ख पुर्जाको अगुवाईमा एक जना गम्भीर अवस्थाकी सुत्केरी सहित १४ जना बिरामीको उद्धार गरेको छ । त्यस्तै विपन्न १२ परिवारलाई खाद्यान्न राहत उपलब्ध गराएको छ । वडा भित्र आवश्कता देखिएका परिवारलाई स्वास्थ्य सामग्री समेत उपलब्ध गराईएको छ । स्वास्थ्य चौकीलाई पिपिइ सेट ३, मास्क २०० पिस, सेनेटाइजर १ लिटर हस्तान्तरण गरेको थियो । क्वीक रेश्क्यु फोर्सले वडा अध्यक्ष तिलक जिसी संगको समन्वयमा सामग्री बितरण गर्नुका साथै बिरामीहरुलाई निःशुल्क उद्धार गरी बेनी अस्पताल पु¥याएको थियो ।
त्यस्तै जलजला गाउँपालिकाको वडा नम्बर ६ मा श्रीलाल चापागाइँ, दिपक खोरजा पुन, पुरुषोत्तम सुवेदी, कृष्ण पुर्जाले फिल्डमा पुगेरै बिरामीको उद्धार तथा राहतमा खटेका थिए । वडा नम्बर ६ सालिजा क्षेत्रबाट २ जना बिरामीको उद्धार गर्नुका साथै विपन्न २१ परिवारलाई खाद्यान्न राहत उपलब्ध गराएको छ । वडा भित्र आवश्कता पिपिइ सेट ३, मास्क २०० पिस, सेनेटाइजर १ लिटर वडा अध्यक्ष होमबहादुर फगामी मार्फत हस्तान्तरण गरेको थियो । वडामा हुने कार्यका लागि वडा अध्यक्ष फागमीले नै संयोजन गरेका थिए ।
त्यस्तै जलजला गाउँपालिकाको वडा नम्बर ७ मा बिकास गिरी, परसुराम पौडेल, रामबहादुर नेपालीलगायतको टोलीले वडाका प्रत्येक टोलका नागरिकको अहिलेको अवश्थाको बारेमा सुच्छम निगरानी राख्नुका साथै रेश्क्युका लागि भूमिका खेलको थिए । वडाका १० जना बिरामीको उद्धार गरेर बेनी अस्पताल पु¥याएका थिए भने २२ परिवारलाई खाद्यान्न राहत उपलब्ध गराएको थियो ।
त्यस्तै जलजला गाउँपालिकाको वडा नम्बर ८ मा महेन्द्र रेग्मी, अनिता रेग्मी, कमल खड्का, कृष्ण श्रेष्ठले वडाका प्रत्येक टोलमा निगरानी राख्नुका साथै रेश्क्युका लागि भूमिका खेलको थिए । वडाका २२ परिवारलाई खाद्यान्न राहत उपलब्ध गराएको थियो ।
त्यस्तै जलजला गाउँपालिकाको वडा नम्बर ९ माबाट ३ जना बिरामीको उद्धार गरेर अस्पताल पु¥याएको छ । क्वीक रेश्क्यु फोर्सले ८ परिवारलाई खाद्यान्न वितरण गर्नुका साथै स्वास्थ्यचौकीलाई ३ सेट पिपिइ, मास्क, सेनेटाइजर उपलब्ध गराउनुका साथै वडा भित्रका दिर्घ रोगीहरुलाई आवश्यक औषधि समेत ढुवानी गरेको थियो ।
युवा संघ जलजला गाउँ कमिटिको मातहतमा चलेको क्वीक रेश्क्यु फोर्सले पालिका भित्रको पर्वत बेनी प्रहरी चौकी र मिलनचोक प्रहरी चौकीलाई आवश्यक पर्ने मास्क र सावुनका साथै फर्सेमा रहेको आइसुलेसनका लागि मास्क, सावुन, पिपिइ सेट उपलब्ध गराएको क्वीक रेश्क्यु फोर्स एवम् युवा संघ जलजला गाउँ कमिटिका अध्यक्ष दिलीप बरुवालले बताए । बरुवालका अनुसार जलजला गाउँपालिका–३ पर्वत बसपार्क क्षेत्रका १० परिवार मजदुरहरुलाई पनि खाद्यान्न लगायतका राहत उपलब्ध गराएको छ ।
खाद्यान्न राहतमा चामल, दाल, तेल, नुन लगायतका करिब २ हजार ५ सय बराबरको सामग्री उपलब्ध गराउने गरिएको छ । युवा संघको मातहत रहने गरी गठीत रेश्क्यु फोर्सले २ वटा एम्बुलेन्स मार्फत बिरामीलाइ निःशुल्क रुपमा अस्पताल पु¥याउनुका साथै घर सम्म पनि फर्काउने गरेको छ । हाल कोभिड–१९ को संक्रमण केही कमजोर देखिएको भए पनि एम्बुलेन्स सेवा सुचारु रहेको अध्यक्ष बरुवालले बताए । बरुवाल भन्छन् –‘यो नितान्त सामाजिक काम हो, आवश्यकता देखिएको स्थानमा सहयोग, राहत एवम् उद्धार भएको छ र अन्य क्षेत्रमा पनि हामी सहयोग गर्दै जानेछौं ।’
